YEHEZKIEL 13:15 - Alkitab Singog In Mongondow Masa In Tanaa

¹⁵ Dinding tatua bo moiko inta ain nopocet in kapur in mokonanambí kon torú-Ku. Onda intua poguman-Kudon kon inimu kon dinding tatua in noinggamádon, notongkai ná moiko inta nopocet in kapur kon tua,

YEHEZKIEL 13:15 Referans Kwoze

YESAYA 30:13

Manangka intua moiko in kotaḷá. Moiko in naonda bo dinding moḷantud inta noḷau nongkon omonikan bo namonag; daḻí-daḻídon moumpag in moiko.

MAZMUR 62:3

Tongábí Sia inta nogoḻiung bo noposaḷamat kon inakó, Sia in mododuḷuku, diábí in akuoi motundan.

NEHEMIA 4:3

Bo ki Tobia inta sinimindog kon diugneamai in noguman doman, “Indoiai in dinding inta pinosindog monia! Tongákabí ungkú in kayuon yo mokoumpagbí kon tua!”

IḶUAIAN 2:3

Táe adí mointok tatua diábí motaau in umurannea bunion mako. Dá ki iná in adí tatua in nogamá kon karansi bo inaipannea in bonok poḷat inaipan doman in aspal sinbá diá tuotan in tubig. Adí mointok tatua pinopouḻidnea kon bonu in karansi tatua, bodongka dinianea kon Ongkag in Nil bo inukatnea kon yua-yuak in ḷontad in utó inta kon bingkí in ongkag tatua.

AYUB 13:4

Sin moiko in nogoḻingoi kon bodokmu takin uboḷ, diá noyoposi in mongongundam mita inta diá totuu.

YEHEZKIEL 13:14

Niaton-Ku umpagon in dinding inta cinet monimu in kapur tatua, poguyaaton intua modapot in dongkadon pondasinea. Dinding tatua in moiumpag bo moḻimod kon i monimu komintan. Dá kotaauandon monimu kon Akuoibí in ki Tuhan.

YEHEZKIEL 13:16

ei nabi mita inta deeman totuu nabi! Moiko in nonoḻindap kon Yerusalem in noaman bo notoinutdon, bokaka totokbí in diá!” Natuata in guman i Tuhan Inta Totok in moḷantud.

YEREMIA 14:15

Mosia in nopotaau kon pinodoyon kon tangoi-Ku butá tanaa in diábí koantugan in parang andeka gogoy, bokaka Akuoi in diábí nopotabá kon i monia noguman kon tua. Akuoi, ki Tuhan, in nopotaau kon inimu, Yeremia, onu in aidan-Ku kon nabi mita inta diá pinotabá-Ku tua. Ḻimodon-Ku in mosia pongin parang bo gogoy.