YEHEZKIEL 12:18 - Alkitab Singog In Mongondow Masa In Tanaa

¹⁸ “Ei intau inta ilo-ilow, kogugurdon kon dodai in iko mongaan, bo kourotdon in ondok kon dodai in iko monginum.

YEHEZKIEL 12:18 Referans Kwoze

OMBAḶ 5:9

Kon ḷuai in kotá, moḷoḻimod nodondaḷoi magí mako; diá kodimu-dimukud in kami kon dodai in motayak kon kaanon.

MAZMUR 80:5

O Tuhan Allah Inta Totok in mokawasa, dapot in toonu Iko in tumorú, umpaka umat-Mu mosambayang?

AYUB 3:24

Toḻiu in mongaan akuoi in mogamui, diá mogoga-gogai in akuoi mokuani.

ULANGAN 28:65

Kon sigad in bangusa mita tatua moiko in diábí mokouḻí kon kobiagan mopia, bo diábí in tampat inta motaau tangoion monimu kapunyaanmu; Baḻíon i Tuhan in moiko totok in moondok bo koinggamáan in rigon in gina takin diá in andoḷan.

ULANGAN 28:48

Tuamai moiko musti mogundoi kon musung mita inta pinoangoi i Tuhan sin moḷawang kon i monimu. Moiko in aputondon in gogoy, yogang bo mopilang bo diá koonu bo onu. Ki Tuhan in mondorot totok kon i monimu modapot in moiko moyopú.

IMAMAT 26:36

Intaumu mita inta kon pinoḷumbúanpa kon butá intau, popogonúan-Kudon in ondok moḷoben, modapot in umpaka tongá singog in daun irupon tompot yo poḷaguian monia. Moiko in moḷagui naonda bo inaḷowan kon bonu in parang, bo moḷabú umpaka diá in musung kon diugmu.

IMAMAT 26:26

Moiko in kodaitan in kaanon, dá naa in mobaḻí: Bobay mopuḷú dongkadon tobatú in doḷuong sin potubáan kon roti inta kaanon monia. Kaanon tatua in pobuion doman, bo naonda in mokaan mako, umuranpa doman gogoyon in moiko.

YEHEZKIEL 23:33

Palo i guya-guyangmu Samaria, binonuan in ondok bo korimumudan. Naonda in inumonmu in bayongan in bonunea moḷoḷangu in iko bo mororiga. Bo bonsig mita in palo tatua pakéonmu pomerak kon dodobmu. Akuoi ki Tuhan Inta Totok in moḷantud ain nosingog.”

YEHEZKIEL 12:17

Ki Tuhan in noguman kon inakó,

DANIEL 10:7

Tongábí akuoi tontaní in nokoontong kon oontongon tatua. Intau mita inta noyotakinku in diábí nokoontong kon tua, táe mosia in inangoian in ondok dá noḷagui bo nogadop.

YEHEZKIEL 4:10

Roti tatua in musti silaionmu námai tua modapot in pomuḷoi in singgai iko in tongábí mokaan kon 230 nogram. Moiḻiu kon tua in diábí motaau.