YEHEZKIEL 12:13 - Alkitab Singog In Mongondow Masa In Tanaa

¹³ Táe pogambat-Kubí in landará-Ku sin podomok kon inia. Bo diaan-Ku in sia kon kotá in Babel, bo kon tua matoi in sia takin diá bidon mokoimontanmai in mokoontong kon kotá tatua.

YEHEZKIEL 12:13 Referans Kwoze

HOSEA 7:12

Táe pomuḷoi in mosia moitaḻib, taanan-Kubí in pukot bo domokon in mosia naonda bo modomok kon ḷagapan. Akuoi in mohukumbí kon i monia popisí in aid mita monia moraat inta ain kinotaauan-Ku.

YEHEZKIEL 17:20

Akuoi in mobukábí kon ḷaḷa sin podomok kon inia. Diaan-Kubí in sia pobayá in Babel bo hukumon-Ku kon tua, popisí in diá motoindudui kon i-Nakó.

YEREMIA 39:7

Onda intua ki Zedekia iḷontok doman kon matanea, bo inumantungan poḷat dinia kon Babel.

YEHEZKIEL 32:3

Kon tungkuḷ in bangusa mita moyosipun, domokon-Ku in iko in landará-Ku, bo pomayá-Kudon mako in bangusa mita tatua mopogambat kon inimu kon toba.

YEHEZKIEL 17:16

Podoyon kon i-Nakó, ki Allah inta nobiag, ki Tuhan Inta Totok in moḷantud, datu in Yohuda in matoibí kon Babel, popisí in sia in nonoḻikudon kon ibotnea bo iḻimimpat kon dodandiannea takin i datu in Babel inta ain nopoḻitú kon inia kon ḷoḻitúan in datu.

LUKAS 21:35

Sin singgai tatua in moiangoi naonda bo poyogaḷap kon bayongan in intau kon dunia naa.

OMBAḶ 3:47

kami in kinoantugan in bodito bo kinorimumudan, bo nobiag kon bonu in anib bo ondok.

OMBAḶ 1:13

Nongkon ḷangit pinoonag-Nea in tuḷú inta nomokak nodapot kon bonu in ginaku. Sinaannea in potait kon tayowonku inta nokopopisí kon inakó noḷabú. Bodongka pinomayá-Neadon mako in aku-akuoi mita in kinoantugan in roriga kinoouput in singgai.

YEREMIA 50:24

Ki Tuhan in noguman, “Babel, sinayowanmu in Akuoi, tuamai iko in noibaaḷ kon potait inta sinaan-Ku kon inimu, táe diábí kinomangaḻeanmu intua.

YEREMIA 34:3

Iko in diábí mokoḷagui, táe domokonbí bo ogoi kon inia. Iko in moyodungkuḷbí bo mongonguman takinnea, bo iko in mayá in Babel.

MAZMUR 11:6

Intau moraat ihukum-Nea in bodito, takin tuḷú, balerang bo tompot inta mokopokak.

AYUB 19:6

Pokotaaudon kon akuoi naa in koyogot iroriga i Allah, bo dinomok kon bonu in poyogaḷap-Nea.

MAZMUR 66:11

Pinomayá-Mu mako in kami in noibonu kon poyogaḷap, bo pinountuan-Mu in dodiaan inta mobogat totok.

YEREMIA 24:8

Táe ki Zedekia datu in Yohuda, takin pojabat mita inta modagin kon inia, bo ki agat in intau in Yerusalem inta umuran nogutun kon bonu in butá tanaa andeka inta nomamping kon Mesir, mosia komintan in aidan-Kubí ná bungai in ara inta nongoburuk tanaa, inta diá motaau kaanon. Akuoi, ki Tuhan, ain nosingog.

YEREMIA 32:5

Onda intua ki Zedekia in akutondon pobayá in Babel bo mogutun kon tua modapot in Akuoi mohukum kon inia. Umpakabí in sia momarang kon intau in Babel, diábí in sia mokountung. Akuoi, ki Tuhan, ain nosingog.”

YEREMIA 37:17

Onda intua ki Datu Zedekia nopotabá kon intau sin modia kon inakó pobayá in komaḻig kon inia. Kon tua inumuni uni in sia noḻibó kon inakó mongo oyúon in koyow nongkon i Tuhan. “Oyúon,” tubagku. Bo akuoi in noguman, “Ki Tuang datu in ogoi kon i datu in Babel.”

AYUB 18:10

Kon butá, noiadop in potait; kon daḷan, oyúon in bubú bo puḷut.