YEHEZKIEL 10:9 - Alkitab Singog In Mongondow Masa In Tanaa

^9-10 Akuoi in nokoontong doman kon kerub mita tatua kon batúannea oyúon in roda tobatú kon sínea. Roda opat tatua in notombatangan, bo mopouḻi-uḻinag naonda bo permata mogaga. Kon batúannea oyúon in roda tobatú ibanea inta noibandai kon yua-yuaknea.

YEHEZKIEL 10:9 Referans Kwoze

WAHYU 21:20

Iḻimanea nongkon batu baiduri sepah, inggonomnea in nongkon batu delima, impitunea in nongkon batu ratna cempaka, iwaḷunea nongkon batu pirus, insiownea nongkon batu topas, impuḷúnea nongkon batu krisopras, impuḷú bomitánea in nongkon batu lazuardi, bo impuḷú bodoyowánea in nongkon batu kecubung.

DANIEL 10:6

Awaknea in mopouḻi-uḻinag naonda bo permata, pogotnea in ná kobayag in sindar in kilat, bo matanea in mopodoko-dokot naonda bo tuḷú. Kokaḷ bo sioḷnea in mopouḻi-uḻinag naonda bo bitú inta iradatan, bo singognea in kodongogan naonda bo singog in intau mobarong.

YEHEZKIEL 10:8

Akuoi in nokoontong kon koḻimonag in koḻikip in batúan in kerub tatua oyúon in tobatú inta ná batangan in ḻima in intau.

DATU MITA IMITÁNEA 7:30

Batúan in kereta tatua opat in bolanea inta nongkon bitú bo asnea in bitú doman. Kon siku opat in kereta tatua oyúon doman in oigi inta pogopod kon baskom inta nongkon bitú takin ḷambá inta bungang mita kon dotá in ḷuainea.