YEHEZKIEL 10:22 - Alkitab Singog In Mongondow Masa In Tanaa

²² Pogot monia in notombatangan doman in pogot in kerub mita inta inontongku kon bingkí in Ongkag in Kebar. Kon batúannea minayá notuḻid ná muna.

YEHEZKIEL 10:22 Referans Kwoze

YEHEZKIEL 10:11

Takin natua kerub mita tatua in motaaubí in mayá kon opat nojurusan. Mosia in motaaubí in mayá kon ondakabí in koibog monia bo diábí bain burowon in awaknea.

YEHEZKIEL 1:10

Batúan in mahaḷuk tatua in kopogot opat inta noyo-noyoposi; pogot in intau in kon muna, pogot in singa in kon dotá in koḷanan, pogot in bantong in kon dotá in koḷoigi, bo pogot in boniá in kon tumi.

HOSEA 14:9

Intau in Israel in moḷumbúbí kon patong mita berhalanea; mosia in ḷukadan-Kubí bo tubagan-Ku in sambayangnea. Naonda bo pangkoi in kayu inta umuran mobarong in daunnea, Oḻiungan-Kubí in mosia. Akuoibí in pangkoi in bayongan barakat monia. Akuoi, ki Tuhan, ain nosingog.”

YEHEZKIEL 1:12

Kon batúan in mahaḷuk tatua notobatú in sinumayow kon opat nojurusan, dá mosia in motaaubí mayá kon ondakabí in koibog monia diábí bain momurow kon awaknea.

YEHEZKIEL 1:1

Kon singgai iḻimanea buḷan inggopatnea kon taong intoḷu nopuḷúnea, kon bonu in taong iḻimanea ki Datu Yoyakhin inakut pinobayá in pinoḷumbúan, akuoi, ki Imang Yehezkiel ki adí i Busi, in kon bingkí in Ongkag in Kebar kon Babel noyotakin in intau mita in Yahudi ibanea inta iḷumbú. Daḻíbí nobukat in ḷangit bo akuoi in nokouḻí kon oontongon soaḷ ki Allah. Dinongogku in ki Tuhan in nopoyaput in singog kon inakó bo kinorasaanku in ropot in kawasa-Nea.

YEHEZKIEL 1:9

Tongogapang in koḻikip in batúan in mahaḷuk tatua in nobuká bo ubungnea mita in noyogamá in koḻikip in mahaḷuk ibanea, dá mahaḷuk opat tatua in notonggopat. Aka ḻimiai, yo mosia kon batúannea ḻimiai tumuḻid mayá ná muna bo diábí momurow kon awaknea.

YEHEZKIEL 10:21

Kerub mita tatua kon batúannea opat in pogotnea, doyowa nogapang in koḻikip, bo oyúon doman in inta ná ḻima in intau kon ḻimonag in koḻikip mita tatua.

YEHEZKIEL 11:1

Bo akuoi in sinintak in Roho i Allah bo dinia kon bonawang Pomukaan kon Baḷoi Tuhan. Kon tua inontongku in 25 in intau, kon sigad monia tua oyúon in doyowa in itoi in bangusa, ki Yaazanya ki adí i Azur bo ki Pelaca ki adí i Benaya.

YEHEZKIEL 43:3

Oontongon tatua in notongkai in inta inontongku kon dodai in ki Allah namangoi sin morimumud kon Yerusalem, bo ná inta inontongku kon Ongkag in Kebar. Bo inumumpag in akuoi bo nosundud.