YEHEZKIEL 1:7 - Alkitab Singog In Mongondow Masa In Tanaa

⁷ Sioḷnea in notuḻid bo mopouḻí-uḻinag naonda bo porunggu inta inatá. Gongguyamú in sioḷnea in kokonukuan naonda bo konuku in bantong.

YEHEZKIEL 1:7 Referans Kwoze

WAHYU 1:15

sioḷ-Nea in moriang naonda bo tambaga inta sinubá. Singog-Nea in naonda bo gonugur in tubig moḷoben inta moḷabú nongkon buḷud.

DANIEL 10:6

Awaknea in mopouḻi-uḻinag naonda bo permata, pogotnea in ná kobayag in sindar in kilat, bo matanea in mopodoko-dokot naonda bo tuḷú. Kokaḷ bo sioḷnea in mopouḻi-uḻinag naonda bo bitú inta iradatan, bo singognea in kodongogan naonda bo singog in intau mobarong.

YEHEZKIEL 1:13

Kon yuak in mahaḷuk mita tatua in koontongan ná baga in tuḷú andeka poḷombow noyongkit inta tantú moḻiai diá in gogainea. Tuḷú tatua in moninda-nindar bo moporosik in kilatan mita in rosi.

MAZMUR 104:4

Tompot in binaḻí totabá-Mu, bo kilat in mobobantung-Mu.

IMAMAT 11:47

Moiko in musti motaau mopoyoposi inta modarit bo inta nonajis, kon sigad in mahaḷuk inta motaau kaanon bo mahaḷuk inta diá motaau kaanon.

YEHEZKIEL 40:3

Akuoi in dinia-Nea kon tua bo inontongku in ḷoḷaki tobatú inta mopouḻi-uḻinag naonda bo porunggu sinimindog kon diug in bonawang. Nokadai mako in sia kon tontogot pogogukur nongkon linen bo kayu pogogukur.