YAKOBUS 4:9 - Alkitab Singog In Mongondow Masa In Tanaa

⁹ Musti in moiko totu-totuu momanasaḷ bo mongombaḷ poḷat mogamui; kosingmu in baḻídon ombaḷ bo ḷungangamu in baḻídon ajar in gina!

YAKOBUS 4:9 Referans Kwoze

MATIUS 5:4

Pia in kamang in intau inta nokuyang in gina, sin mosia tua iropotanbí in ginanea!

AMSAL 14:13

Kon ḻikud in kosing degá oyúonbí in ombaḷ; ḷunganga in gina oyúonbí doman in imbuitan in robonoḷ in gina.

LUKAS 6:25

Koboditodon in moiko inta nobotug in tanaa mako; sin moiko in koantuganbí doman in gogoy! Koboditodon in moiko inta kinumosing tanaa mako; sin oyúonbí in wakutu monimu mokorasa kon robonoḷ in dodob bo mongombaḷ!

MAZMUR 119:67

Kon dodai in diápa ihukum, akuoi in sinumabat, tanaa in akuoi kinumadai kon parenta-Mu.

YEHEZKIEL 16:63

Ampungan-Kubí in bayongan in taḷámu, táe diábí koḻionganmu intua bo angoianbí in oyá in moguman kon onu bo onu in iko. Akuoi ki Tuhan Inta Totok in moḷantud ain nosingog.”

YEHEZKIEL 7:16

Tongosilai in kotaḻibanbí bo moḷagui mayá in buḷud. Kon tua mosia in nádon onda bo ḷagapan mita paḷoma inta binuntun nongkon ḷopá mita; komintanbí mogongot popisí in dosa mita monia.

LUKAS 16:25

Táe ki Abraham in notubag, ‘Uḻe, toropdon adíku: iko aindon nokorasa kon bayongan inta mopira wakutu iko nobiagpa kon dunia, táe ki Lazarus naa in tongábí nokorasa kon bayongan inta diá mopia. Manangka intua tanaa mako sia in mokouḻí kon inta mopia kon naa. Yo iko in mokouḻí kon roriga.

AYUB 30:31

Koḻipod in dinongogku in musik ḷunganga in gina, tanaa in dongkadon amui pongombaḷan.

LUKAS 6:21

Pia in kamang in moiko inta ginogoy tanaa mako; sin moiko in ogoianbí in kaanon kobotugon! Pia in kamang in moiko inta tanaa mako nongombaḷ sin moiko in kumosingbí.

OMBAḶ 5:15

Kami in kinobuḻiandon in ḷunganga in gina; tayok mita in nobaḷuidon pinonogumatoian.

YEREMIA 31:13

Kon dodai intua mongodeaga mita in motayok takin kinoibog in gina. Guyanga bo tayow mobiag tumpaḷa moḷunganga in gina, sin Akuoi in moḻipoibí kon i monia. Kuyang in gina monia baḷuian-Ku in pia in gina, robonoḷ in gina baḷuaian-Ku in ḷunganga in gina.

YEREMIA 31:9

Mosia in mayá takin moḷabú in ḷuá, Ḻipoion-Ku bo kapiton-Ku in mosia. Diaan-Ku in mosia mongin tampat mita inta mobayong in tubig, mongin daḷan motondodai inta diá in kopintudan. Kon i Israel, Akuoi in naonda bo ki amá; Epraim in ki adí-Ku ḷoḷaki guya-guyang.”

MOHOHUTUBA 2:2

Nosadar in akuoi kon kosing tua in kabodokanbí bo kasanangan in diábí in baragunanea.

MAZMUR 119:71

Totuubí kon mopiabí in Iko in nohukum kon inakó, sinbá kotaauankudon in atorang-Mu mita.

MAZMUR 119:136

Ḷuáku in moiḻig naonda bo ongkag, popisí in hukum-Mu diá dinuduian.

NEHEMIA 8:9

Nokodongogmai kon pinobacaan kon Hukum tatua, pinongoibu in rayat bo poḷat nongombaḷ. Dá ki gubernur Nehemia bo ki Imang Ezra inta nonotaau totok in Hukum tatua bo intau mita in Lewi inta noginsilang kon Hukum tatua, noguman kon bayongan in rayat nanaa, “Singgai naa in singgai inta mokudus kon i Tuhan Allahmu, dá dikadon pongoibúon andeka mongombaḷ.

MATIUS 21:41

Mosia in notubag kon i-Nia, “Toko putúannea in intau mita moraat tatua, bain tua bo gobá in anggurnea tatua potomoyóneadon bui kon mototomoyó ibanea, inta moibog mopoyosilai in bungainea aka wakutuneadon.”