YAKOBUS 4:14 - Alkitab Singog In Mongondow Masa In Tanaa

¹⁴ Onu in mobaḻí kon kobiaganmu ikoḷom, diábí doman kinotaauanmu tontaní! Moiko nion in tongábí naonda bo poyok inta koontongan motoyong, onda intua diádon.

YAKOBUS 4:14 Referans Kwoze

PETRUS 1 1:24

Kon bonu in Buk Motusi pinaisdon nanaa: “Bayongan in intau kon dunia naa naonda bo bonok, bo bayongan in kamuliaannea naonda bo bungai in bonok. Bonok moḷaḷow, dá bungainea in mototak doman;

MAZMUR 39:5

“Tuhan, potaaudon mongo toonu in singgai kopatoianku sinbá kotaauanku kon totuubí mopoḷok in kinobiaganku.”

YOHANES 1 2:17

Dunia naa bo bayongan tombonunea inta kinoibog in intau koyogotdon in moyoyang. Táe intau inta dinumudui kon ibog i Allah, i mobiagbí mononoi.

MAZMUR 102:3

Dika toḻikudan in akuoi aka koumaan in susa in akuoi. Indongogaipa kaasí in akuoi aka mokuani, bo ḷagidon tubagai in akuoi.

YAKOBUS 1:10

Bo intau Keresten inta nooyúon, kosanangbí aka sia in poompáan i Allah. Sin intau inta nooyúon in moyoyangbí naonda bo bungai in bonok.

MAZMUR 89:47

Modapot in toonu Iko in mogadop, o Tuhan? Modapot in toonu in torú-Mu tumagab naonda bo tuḷú?

PETRUS 1 4:7

Kopaḷutan in yagi-yagi motoyongdon. Tuamai ḷukadaidon kopira in awak monimu bo umuran mokopoonow kon raian sinbá moiko in motaau mosambayang.

YESAYA 38:12

Nyawaku nobontow, nodapotdon in wakutuku, ná ḷoḷaigan in gombala inta kinokai; ná didit pinongkó nongkon pakakat gogaboḷan; kon inakó kamai simpodandon i Allah in kobiaganku.

MAZMUR 78:39

Kinotoropan-Nea kon mosia in tongábí mahaḷuk inta mato-matoi, naonda bo tompot inta noitaḻib bo diá bidon mobui mangoi.

MAZMUR 144:4

Intau tua in naonda bo tompot poginaan, naonda bo oḻinow noitaḻib, natua in kobiagannea.

AMSAL 27:1

Dika tumakabur kon singgai ikoḷom, sin diábí kinotaauanmu onu in mobaḻí.

YESAYA 2:22

Dá, dikabí umandoḷ kon intau inta mato-matoi naa, sin sia in diábí in mangaḻenea.

SAMUEL 2 19:34

Táe ki Barzilai in notubag, “Diádon moonggot in kobiaganku. Dá onubí in mangaḻenea akuoi tumakin kon i Tuang datu mayá in Yerusalem?