YAKOBUS 2:6 - Alkitab Singog In Mongondow Masa In Tanaa

⁶ Táe moiko ain noningkuḻe kon intau mita inta nobiag nobogá, bokaka intaubí mita inta nooyúon in mondorot bo mogugut kon i monimu pobayá in pongadilan!

YAKOBUS 2:6 Referans Kwoze

AMSAL 17:5

Ki ine in moningkuḻe kon intau bogá yo mopoompábímai kon i Allah inta nomaḻí kon inia. Ki ine in mosanang in gina kon koboditoan in intau, yo notantúbí kon mokouḻí kon hukuman.

KORINTUS 1 11:22

Nongonu sin natuabí in aid monimu? Eta degá diá in baḷoi tontaní pongaanan bo ponginuman monimu? Andeka degá tumuodbí in moiko mokopohinamai kon jamaat i Allah bo mokopooyámai kon intau mita bogá? Naondapa degá in mopomangaḻe kon i monimu? Onupa in posingogku kon i monimu? Degá dayowonku in moiko? Aka oaid natua yo diábí duíonku!

AMSAL 14:31

Ki ine in mopoaid in mopia kon intau bogá, mohoromat kon i Allahnea; ki ine in mopororiga kon intau moyangkó, mopoompámai kon i Inta nomaḻí kon inia.

MAZMUR 14:6

Intau moraat in moibogbí moḷamboi kon intau nobogá, táe ki Tuhan in nobaḻí moḷoḷukadnea.

YAKOBUS 5:4

Diá inuboḻian monimu in gaji in intau mita inta nogaid kon gobámu. Tanaa indongogaidon in amui monia! Intau mita inta nosipun kon hasil in gobámu, kinumarak nokituḷung bo karak monia tua ain kinodongogan i Allah, Tuhan inta Totok in Mokawasa.

YAKOBUS 2:3

dá totokdon in ihoromat monimu in intau inta nogiḷambung mogaga koina. Moiko in moguman kon inia, “Tuang ḻitúdon kon kadera inta totok in mopia naa.” Táe aka kon intau inta nobiag nobogá, moiko in moguman kon inia, “Sindogdon kon tua,” ande “Ḻitúdon kon taḷog kon naa.”

OUMAN IN RASUL MITA 17:6

Táe diá nouḻí monia in taya dua, dá ki Yasondon takin in tongonumai intau mopirisaya ibanea in dinia monia kon tayowon intau mita moḷoben kon kotá tatua. Bo totokdon in nomaḷú nanaa: “Intau mita tanaa in mongongacau kon bayongan tampat! Mosia in namangoi doman in kotá naton naa,

OUMAN IN RASUL MITA 13:50

Táe intau mita moḷoben kon kotá tatua bo bobay mita inta nongkon kalangan intau moḷantud inta motoguondok kon i Allah, totok pongaruon in intau mita in Yahudi. Mosia in nogaid kon soaḷ inta nokopomuka kon saturu monia kon i Paulus bo kon i Barnabas, bo inuntundon monia in taya dua nongkon daerah tatua.

OUMAN IN RASUL MITA 8:3

Táe ki Saulus in totokdon moḷongasi momogutú kon jamaat mita tatua. Sia in maya-mayá mako kon baḷo-baḷoiannea bo motayak kon jamaat ḷoḷaki bo bobay inta mopirisaya kon i Tuhan sin poḷuaion kon kotá tatua bo bayáan bonuon kon ponjara.

ZAKHARIA 7:10

Dikabí mondorot kon intau boba-bobay, adí uno-unon, intau mita ango-angoi inta nogutun kon yua-yuak monimu, andeka ki ineka in nobiag noyempeng. Bo dika doman monomayá kon moraat kon tumpaḷa intau.’

AMOS 5:11

Moiko in mondorot kon intau bogá bo gandumnea in agowon monimu. Tuamai in moiko in diábí mogutun kon bonu in baḷoimu mita inta totok in mopia, inta ain pinosindog monimu tatua. Moiko in diábí monginum kon anggur mita nongkon gobá mita in anggur inta pinomuḷa monimu.

MOHOHUTUBA 5:8

Modapot in kobiagan i datu noitogotbí kon bungai in boyó.

AMSAL 22:16

Ki ine in moibog mooyúon pongin mondorot kon intau bogá bo mobogoi in tombuinag kon intau nooyúon kon imbuitnea in momalaratbí.

MAZMUR 12:5

inta moguman, “Kami in mongawasa takin dilá nami! Onukabí motaaubí singogon nami, bo diábí in mokoḷamboi!”

MAZMUR 10:14

Táe inontong-Mubí; Sinaridian-Mu in susa bo roriga, bo umuran mosadia motuḷung. Intau inta moyangkó moposarakan in kobiagan kon ini-Mu, Iko in umuranbí motuḷung kon intau nobogá.

YAKOBUS 5:6

Moiko in mohukum bo moḻimod kon intau mita inta diá kotaḷá, bo mosia in diá momaḷawang kon i monimu.

OUMAN IN RASUL MITA 18:12

Naonda in ki Galio nobaḻí gubernur kon Akhaya, intau mita in Yahudi, notobatú kon gina bo nomayow kon i Paulus poḷat dinia monia pinobayá in pongadilan.

HABAKUK 3:14

Piot-Mu mita noiḷambai kon itoi in tontara in musung kon tungkuḷ in tontaranea namangoi ná koropot in deḷang, sinbá kami in porariton. Mosia in kinumosing takin ḷunganga in gina naonda bo intau inta umado-adop mondorot kon intau inta bogá.

AMOS 4:1

Indongogai, ei bobay mita in Samaria inta koḷongó-koḷongó naonda bo sapi mita inta noḷomumu kon Basan! Moiko in mondorot kon intau moyangkó, mogamá kon kapunyaan in intau bogá, bo momakisa kon i buḷoimu sinbá umuran mopooyúon in oinumon mokoḷoḷangu kon inimu!

YESAYA 53:3

Kita in moningkuḻe bo yumayú kon inia, intau inta nopuḻing in roriga bo nobiasa mobaba kon takit. Diá tobatúmai in intau in moibog imindoi kon inia, bo kita in diá doman moindoimai kon inia.

MAZMUR 10:10

Kumuyung in sia, mosadia modomok; sia mopomobak kon intau.

MAZMUR 10:8

Sia in mogadop kon ḻipú mita sin moḻimod kon intau mita inta diá kotaḷá. Naonda bo singa sia in mogoḷat kon siungon in bo bonganga motarap mako kon intau inta moyangkó. Sia in moḷabot kon intau nobogá kon tampat inta moingongow, domokonnea bo pogambatnea mako.

MAZMUR 10:2

Dumodia in intau moraat mondorot kon intau nobogá; pomayádon mako in mosia moibaaḷ kon poyogaḷap monia tontaní.

AYUB 20:19

Sin sia in mondorot bo mopomayá mako kon intau inta diá koonu bo onu; sia in mogagow kon baḷoi mita inta deeman sia in noposindog.

YOHANES 8:49

Ki Yesus in notubag, “Akuoi in diábí kinotoḷangan in dimbuḷó. Akuoi in totokbí mohoromat kon i Amá-Ku, táe moiko in moningkuḻe kon i-Nakó.

AMSAL 18:23

Intau bogá mopoigum takin pia-pia mako; intau nooyúon motubag takin torú.

AMSAL 22:7

Intau bogá kinawasa in intau nooyúon; intau inta noḷuan kinawasa in intau inta nopoḷuan.