YAKOBUS 2:18 - Alkitab Singog In Mongondow Masa In Tanaa

¹⁸ Degá oyúon intau in moguman, “Oyúon intau in umandoḷ kon pirisayanea bo oyúon doman in umandoḷ kon oaidnea.” Dá akuoi in moguman, “Poontongka kon inakó in pirisaya takin diá in oaid bo poontongku kon inimu in oaidku saḷaku bungai kon akuoi in mopirisaya.”

YAKOBUS 2:18 Referans Kwoze

YAKOBUS 3:13

Aka kon sigad monimu oyúon intau inta mobijaksana bo mopandoi, yo mustibí intua poniatanea kon kobobiag mopia takin mogaid kon soaḷ mita inta mopia, inta sinakinan in gina inta diá mosiḷantud bo kabijaksanaan.

TIMOTIUS 1 1:5

Akuoi in mononggina nanaa sinbá intau kopakéandon in gina modarit motuḻid bo totu-totuudon mopirisaya kon i Tuhan, sahingga in oyúondon in totabian kon tumpaḷa intau.

YAKOBUS 2:14

Utatku mita! Onubí in mangaḻenea intau moguman, “Akuoi in intau mopirisaya”. aka diá intua poniatanea kon oaid? Mokosaḷamat kon inia degá in pirisaya natua?

GALATIA 5:6

Sin aka kita bo ain notobatú takin i Kristus Yesus, yo soaḷ sunaton ande diá sunaton, diábí mobaḻí soaḷ kon i naton. Sin totok moponting in pirisayabí kon i Kristus bo tua in moniata kon tabi naton kon tumpaḷa intau.

TITUS 2:7

Bo kon bayongan in yagi-yagi, oaidmu in musti mobaḻí dodayanan inta mopia kon i monia. Aka motundú in iko yo mustibí mokopojujur bo totu-totuu motundú.

SURAT I PAULUS KON JAMAAT RUM 14:23

Táe intau inta moondo-ondok in mokaan kon onu inta motaau kaanon, tongá pangabisannea in nokaan doman kon kaanon tatua, yo potaḷáan i Allah in sia, sin tua inaidannea diá pinodoyon kon koyakinannea soaḷ onu in noitutui bo onu inta noitaḷá. Onuka in aidan takin diá podoyon kon koyakinan yo dosabí intua!

IBRANI 11:31

Popisí in oyúon in pirisaya, dá ki Rahab, bobay sundaḷ tua in diábí kinoḻimodan noyotakin in intau mita inta noḷawang kon i Allah; popisí in nopia totok in pinototomunea kon totabá mita in intau Israel.

IBRANI 11:33

Popisí in mosia mopirisaya, dá sinaḷowdon monia in dodatuan mita ibanea. Inaidan monia in onu inta totuu, tuamai in nouḻí monia onu inta pinodandi i Allah. Bibig mita in singa pinomponan monia,

IBRANI 11:6

Aka diá in pirisaya, dá diábí in tobatúmai intau motaau moposanang kon gina i Allah. Sin ki ine in mamangoi kon i Allah mustibí mopirisaya kon ki Allah tua in oyúonbí. Bo intau inta totu-totuu motayak kon i-Nia in ogoian-Neabí in onu inta sinayaknea tatua.”

KORINTUS 1 13:2

Bo umpakabí in akuoi in mopandoi mopoyaput in Habar Mopia nongkon i Allah bo motaau doman totok in soaḷ mita inta nongoibuni, ande nonotaau kon bayongan yagi-yagi bo mopirisaya doman totok kon i Allah, sahingga in motaau mopopamping in buḷud, táe aka diá in tabiku kon tumpaḷa intau, yo diábí in mangaḻe in kobiaganku!

SURAT I PAULUS KON JAMAAT RUM 3:28

Sin nanaabí in simpod in singog: Intau in sinangoian noyopiadon bui i Allah, deemanbí popisí in nogaid kon onu inta pinais kon hukum in agama Yahudi, táe popisíbí in pirisayanea kon i Yesus Kristus.

KORINTUS 2 7:1

Utat mita inta kinotabiku! Dandi mita tatua in pinopomakusudbí kon i naton komintan. Tuamai koḻigai in kita mondaritdon kon oaid mita naton inta mokokotor kon awak naton. Bo koḻigai mobiag motoguondok kon i Allah, sinbá mobiagdon motompia takin-Nea in kita.

KORINTUS 2 5:17

Intau inta notobatúdon i Kristus in totu-totuu bidon sinoimbagu. Inta ain nokoyongan in diá bidon, komintan bidon sinoimbagu.

SURAT I PAULUS KON JAMAAT RUM 8:1

Tanaa in diá bidon in hukuman kon i monia inta nobiag notobatú i Kristus Yesus.

SURAT I PAULUS KON JAMAAT RUM 4:6

Natua doman in singog i Daud; manangka intua sia in noguman doman nanaa, pia in kamang in intau inta ain sinarima i Allah saḷaku intau inta mokosanang kon gina-Nea, táe inta deemanbí pinodoyon kon oaidnea mita. Ki Daud in noguman nanaa,

SURAT I PAULUS KON JAMAAT RUM 9:19

Utat mita, moiko in mogumanbí nanaa kon inakó, “Aka natua yo nongonu sin ki Allah in moibogpabí mopotaḷá in intau? Ki ine in mokoḷamboi kon ibog i Allah?”