WAHYU 7:4 - Alkitab Singog In Mongondow Masa In Tanaa

⁴ Bo pinotaaudon kon inakó kon mogatut bo opat nopuḷú bo opat noribu in kobayong in intau inta kinompitandon in meterai nongkon i Allah kon pogot monia. Intau mita tatua in ginamá nongkon mopuḷú bodoyowá nosuku in bangusa Israel;

WAHYU 7:4 Referans Kwoze

WAHYU 14:1

Noidudui kon tua inontongku in ki Adí in Domba sinimindog kon tudu in Buḷud Sion. Kotaki-takinnea oyúon in 144.000 intau inta kon pogot monia ain pinaisan in tangoi-Nea bo tangoi i Amá-Nea.

WAHYU 14:3

Mosia tua in nopodondong in dondong inta mobagu kon tayowon tampat pomomarentaan bo kon tayowon in mahaḷuk opat bo itoi mita. Diábí in tobatúmai intau mokobalajar kon dondong tatua, koḻikudbí in intau inta 144.000 inta ain pinobebas nongkon dunia naa.

LUKAS 22:30

Takin natua dá moiko in motaau doman mobarasanang takin-Ku kon wakutu in Akuoi in mobaḻí Datu. Bo moiko in ḻimitú kon ḻimonik in mopuḷú bodoyowá in tampat pomomarentaan sin momarenta kon mopuḷú bodoyowá nosuku in bangusa Israel.”

MATIUS 19:28

Guman i Yesus kon i monia, “Popirisayadon: Kon Dunia Mobagu i Allah, Adí Intau in ḻimitúdon kon tampat pomomarentaan-Nea inta momulia. Kon wakutu intua moiko murí-Ku mita in ḻimitú doman kon ḻimonik in mopuḷú bodoyowá in tampat pomomarentaan bo mohakim kon mopuḷú doman bodoyowá nosuku kon Israel!

OUMAN IN RASUL MITA 26:7

Dandi doman tatua inta inoḷat mako in intau Israel inta mopuḷú bodoyowá nosuku. Tuamai in mosia mosumba kon i Allah doḷom bo singgai. Bo popisí in akuoi mopirisaya kon dandi tatua, Tuang Datu Agripa, dá intau mita in Yahudi noponapud in taḷá kon inakó.

WAHYU 9:16

Pinotaaudon kon inakó kon doyowa nogatut nojuta in kobayong in tontara inta sinumakoi kon kabaḷo.

YAKOBUS 1:1

Utatku mita, bayongan in umat i Allah inta noibaya-bayá mako kon dunia! Akuoi ki Yakobus, mogogaid kon oaidan i Allah bo i Tuhan Yesus Kristus, mopoyaput in salam kon i monimu.

SURAT I PAULUS KON JAMAAT RUM 9:27

Ki Nabi Yesaya nosingog nanaa kon soaḷ intau in Israel, “Umpakabí kobayong in intau Israel ná kobayong in bungaion kon dagat, táe tongábí topiḻik in mosaḷamat;

ZAKHARIA 9:1

Naa in koyow i Tuhan. Sia in nonantúdon kon mohukum kon negara in Hadrakh bo kotá in Damsyik. Deemanbí tongá suku mita in Israel, táe ibukotá in Siria in ki Tuhan kitogi.

YEHEZKIEL 48:19

Intau mita nongkon bayongan in suku in Israel inta nogutun kon kotá tatua motaaubí in mononggobá kon butá tatua.

YEHEZKIEL 47:13

Ki Tuhan Inta Totok in moḷantud in noguman, “Naadon in sigad mita in butá inta sinilai kon mopuḷú bodoyowá in suku in Israel. Suku i Yusup in silainea in doyowa notonsilai.

KINOBAḺIAN 15:5

Ki Tuhan in nodia kon i Abram iḻumuai bodongka noguman kon inia, “Ḷangagka kon ḷangit, bo tungkuḷaika iyap in tundi mita; yo buímu in kobayongnea naonda bo tundi mita tatua.”

IḶUAIAN 28:21

Kon batúan in permata musti popokurig in tangoi tobatú nongkon sigad i adí Yakub inta mopuḷú bo doyowa nobaḻí tompoingat kon suku mita Israel.

WAHYU 7:5

pomuḷoi in suku pinogamáan kon tumopopuḷú bodoyowa noribu in intau. Naa in tangoi in suku mita Israel tatua: Yohuda, Ruben, Gad,

LUKAS 14:22

Onda intua simpaḷ tatua namangoidon bui kon i tuangnea bo noguman nanaa, ‘Tuang, onu in pinoki aid i tuang aindon nodait dinuduianku, táe oyúonpa doman in ḷoḻitúan in diá iḻitúan.’