WAHYU 6:7 - Alkitab Singog In Mongondow Masa In Tanaa

⁷ Noiduduimai kon tua ki Adí in Domba tatua in nomukatdon kon meterai inggopatnea. Bo dinongogku in mahaḷuk inta inggopatnea tatua noguman, “Igai!”

WAHYU 6:7 Referans Kwoze

WAHYU 6:3

Onda intua ki Adí in Domba tatua in noḷosi kon meterai induanea, bo dinongogku in mahaḷuk induanea in noguman, “Igai!”

WAHYU 4:7

Mahaḷuk inta ontongon muna naonda bo singa. Induanea in naonda bo sapi koḷakian. Intoḷunea in naonda bo pogot in intau. Inggopatnea in naonda bo boniá inta koḷayu-ḷayug.

WAHYU 6:5

Naonda in ki Adí in Domba nomukat kon meterai intoḷunea, dinongogkudon in mahaḷuk inta intoḷunea in noguman, “Igai!” Akuoi inimindoi, dá inontongkudon in tobatú kabaḷo morondí. Ki inta sinumakoi kon kabaḷo tatua in nokadai kon pononimbangan.

WAHYU 6:1

Onda intua inontongku ki Adí in Domba tatua noḷosi kon meterai muna inta kon sigad in meterai pitu tatua. Bo dinongogku in tobatú mahaḷuk inta kon sigad in mahaḷuk opat tatua in noguman, “Igai!” Singog-Nea naonda bo singog in gotup.

MATIUS 27:66

Mosia in minayá in poḷoḷobongan tatua bo sinilotan monia bodongka iḷukadan.