WAHYU 22:13 - Alkitab Singog In Mongondow Masa In Tanaa

¹³ Akuoibí naa inta muna bo inta pangabisan, Akuoibí in ki Tuhan nongkon pinomangkoian nodapot kon pangabisan.”

WAHYU 22:13 Referans Kwoze

WAHYU 21:6

Bo Sia in noguman, “Komintandon nobaḻí! Akuoi naa in ki Alpa bo ki Omega, ki Inta muna-munamai bo ki Inta tumi-tumimai, Akuoibí naa in ki Tuhan nongkon pinomangkoian nodapot in pangabisan. Intau inta moyogang in poinumon-Ku, bo tongábí ogoi pomorosen nongkon bokaká inta mobogoi in kobiagan.

WAHYU 1:8

“Akuoibí naa inta muna-munamai totok bo inta totok in pangabisan,” tua in singog i Tuhan Allah, ki Inta oyúon bo inta koyongandon oyúon, inta umuran oyúon bo Inta Totok Mokawasa.

YESAYA 44:6

Naa in guman i Tuhan Inta Totok in Mokawasa, Datu bo moḷoḷukad in Israel, “Akuoi in Allah inta tongá totobatú, Inta muna-munamai bo inta imbuitnea totok.

YESAYA 48:12

Ki Tuhan in noguman, “Indongogaidon Israel umat inta inoiní-Ku, Akuoi in umuranbí ki Allahmu. Akuoibí inta muna-munamai, bo Akuoi doman inta imbuitnea.

WAHYU 1:17

Naonda in akuoi nokoontong kon i-Nia, akuoi noitungkud kon tayowon-Nea naonda bo intau minatoi. Táe ḻima-Nea koḷanan in noyapu kon inakó bo poḷat noguman kon inakó, “Dika moondok! Akuoi naa in ki Inta Totok Muna-munamai bo ki Inta Pangabisan.

YESAYA 41:4

Ki ine in nogaid kon tua mita? Ki ine in nonantú kon daḷan in bayongan inta nobaḻí? Akuoi, ki Tuhan, Akuoi in inta muna-munamai, bo inta umuran oyúon modapot in imbuitnea.

WAHYU 1:11

Singog tatua in noguman, “Paisdon onu inontongmu, bo atodon in buk tatua kon pitu nojamaat: Jamaat mita kon Epesus, kon Smirna, kon Pergamus, kon Tiatira, kon Sardis, kon Piladelpia bo kon Laodikia.”

WAHYU 2:8

“Paisdon kon malaekat inta kon Smirna, nanaa: Nanaa in koyow nongkon i-Nia inta muna-munamai bo inta pangabisan – inta ain minatoi bo inta nobiag bui.

WAHYU 3:14

“Paisdon kon malaekat in jamaat Laodikia nanaa: Naadon in koyow nongkon i-Nia inta sinumangoi Amin, sakusi inta mosatia bo mobanar, pangkoi in bayongan yagi-yagi inta pinomia i Allah.

YOHANES 13:32

Aka ki Allah pomuliaan pongin i-Nia, dá Sia in pomuliaanbí doman i Allah pongin awak-Nea tontaní. Bo ḷagi bidon pomuliaan i Allah.