WAHYU 2:20 - Alkitab Singog In Mongondow Masa In Tanaa

²⁰ Táe naa in kinodoí-Ku kon i monimu; Pinomayámudon mako in ki Izebel, bobay inta dinumuí totabá i Allah tua. Nobayongdon in intau-Ku in inakaḷannea bo sinundúnea mogaid kon inta mokotor bo mokaan kon kaanon inta ain pinosumba kon berhala.

WAHYU 2:20 Referans Kwoze

WAHYU 2:14

Tongá oyúon doman in diá kinosanang-Ku kon i monimu: Sin oyúon in tongonumai intau kon sigad monimu in dinumudui kon onu inta sinundú i Bileam. Ki Bileamdon naa inta notundú kon i Balak kon naonda in mopoḷabú kon intau Israel kon bonu in dosa; mosia in nodondouḷug kon intau Israel nokaan kon kaanon inta ain pinosumba kon berhala bo nogaid doman kon soaḷ mita inta mokotor.

DATU MITA IMITÁNEA 16:31

Diápa doman tugat kon inia in mobiag momia kon dosa naonda bo ki Datu Yerobeam, sia in notonibuḷoidon i Izebel ki adí i datu Etbaal inta nongkon Sidon, bo nosumbadon in sia kon i Baal.

OUMAN IN RASUL MITA 15:29

dika mokaan kon kaanon inta aindon pinosumba kon dewa; dika mokaan kon dugú, dika mokaan kon tapú in mahaḷuk inta minatoi sinagangan, bo poyayúdon in oaid inta mokotor. Aka aidandon monimu intua komintan, yo mangaḻenea moiko aindon nogaid kon inta mopia. Natuapa, saḷamat!”

DATU MITA 2 9:7

Iko in moyopú kon motoḷuadí i Ahab ki Tuangmu. Takin natua hukumon-Ku in ki Izebel inta ain noḻimod kon nabi-Ku mita bo mogogundoi-Ku mita ibanea.

OUMAN IN RASUL MITA 15:20

Táe kita in momaisdon kon surat bo mononggina kon i monia, sinbá donaai in mokaan kon kaanon inta ain pinosumba kon dewa, andeka mokaan kon tapú in mahaḷuk inta sinagangan, andeka mokaan kon dugúnea. Bo bá umuran mokopoyayú in mosia kon oaid mita inta mokotor.

WAHYU 2:4

Táe naa in poningkuḻe-Ku kon inimu: Tabi monimu kon i-Nakó in diádon ná inta muna.

IḶUAIAN 34:15

Dika momia kon dodandian takin bangusa kon butá tatua, sin kon dodai in mosia mosumba bo moposumba in kuruban kon ilah mita monia, mosia in monongganutbí kon i monimu, bo moiko in dumuduibí.

KORINTUS 1 10:28

Tongá aka oyúon in moguman kon i monimu nanaa, “Kaanon tanion ain bidon pinosumba kon dimukud moraat,” yo dikabí kaanon monimu intua sin aindon muna pinotaaunea, bo kaanon tatua in kinodoíbí in ginamu.

DATU MITA IMITÁNEA 17:4

Iko in mokouḻíbí kon tubig inumon nongkon tapá tatua, bo ḷagapan kawag in potabá-Ku modia kon kaanonmu.”

DATU MITA IMITÁNEA 17:13

“Dika moḻia-ḻiaw in gina i Iná!” guman i Elia, “Aidaidon in kaanon i Iná bo in adí i Iná. Táe pounapa pogaidai kon roti mointok nongkon topong bo ḷana tatua, bo diádon mangoi.

DATU MITA 2 9:22

“Degá bo iko nion in namangoi saḷaku yobayat?” iḻibó i Yoram kon i Yehu. Ki Yehu in notubag, “Deemanbí saḷaku yobayat aka nobayongpa in mongonggaing kon naa, bo oyúonpa doman in pososumbaan kon berhala inta pinangkoi i Izebel ki inámu tua?”

YEHEZKIEL 13:17

Ki Tuhan in noguman, “Tanaa, ei intau inta ilo-ilow, taridiaika in bobay mita inta tumangoi nabi mita kon sigad in bangusamu. Torúaidon in mosia,