WAHYU 17:17 - Alkitab Singog In Mongondow Masa In Tanaa

¹⁷ Sin gina monia sinimbayagandon i Allah sinbá mogaid kon inta kinoibog-Nea. Sinobatúdon i Allah in mosia sinbá moyopakatdon moposarakan in kawasa monia kon mahaḷuk tatua, sinbá mahaḷuk tatua in momarenta modapot in mobaḻí onu inta pinoguman i Allah.

WAHYU 17:17 Referans Kwoze

WAHYU 10:7

Táe aka malaekat impitunea in mogirupdon kon torompetnea, yo aidandon i Allah in tomayá inta binuni-Nea, ná inta ain pinotaau muna kon intau mita inta nogaid kon oaidan-Nea bo kon nabi mita.”

KORINTUS 2 8:16

Sukurdon mako kon i Allah, sin ki Titus in pinoporajing-Neapa naonda bo kami inta umuran noibog notuḷung kon i monimu!

YOHANES 13:2

Kon wakutu in ki Yesus bo murí-Nea mita yogot mongaan, Ibilis nopogonúdon in niat moraat kon bonu in gina i Yudas Iskariot ki adí i Simon sinbá sia in momaḻidawan kon i Yesus.

YEREMIA 32:40

Akuoi in momiabí kon dodandian inta mononoi takin i monia. Akuoi in diábí mogogai in mogaid kon inta mopia kon i monia. Baḻíon-Kubí in mosia moondok bo mohoromat kon i-Nakó takin ḻimbatú in gina sinbá mosia diá yumayú kon i-Nakó.

AMSAL 21:1

Naonda bo pononompia i Tuhan kon tubig in ongkag sinbá moiḻig podudui in ibog-Nea, natua doman in pokokapit-Nea kon raian in datu.

EZRA 7:27

Bo ki Ezra in noguman, “Dayowdon in ki Tuhan, Allah inta sinumba in mogoguyang naton! Sia in nopogonúdon kon gina i datu dá ki datu in noibogdon noindoi totok kon Baḷoi Tuhan kon Yerusalem.

WAHYU 17:13

Mosia naa in notobatúbí kon singog bo makusud kon moposarakan in ropot bo kawasa monia kon mahaḷuk tatua.

YOHANES 13:18

Onu in pinoguman-Ku naa in deemanbí soaḷ moiko komintan. Kotaauan-Kubí ki ine inta ain piniḻí-Ku, táe bá mobaḻídon onu inta pinais kon bonu in Buk Motusi nanaa, ‘Intau inta ain nongaan noyotakin-Ku, in moḷawangbí kon i-Nakó.’

LUKAS 22:22

Adí Intau in totuubí kon matoi ná inta ain sinantú i Allah; táe moboditodon in intau inta momaḻidawan kon i-Nia!”

MAZMUR 105:25

Binaḷuian-Nea in gina in intau in Mesir dá noyaatdon in gina monia kon umat-Nea bo sinombogádon monia in mogogundoi-Nea mita.

WAHYU 15:1

Noiduduimai kon tua, inontongku kon ḷangit in tobatú soaḷ inta mokoherang totok bo diá in poḻiuan kon tua. Pitu in malaekat, bo pitu doman in roriga pangabisan. Naadon in pangabisan totok ki Allah mopoḷuai in torú-Nea.

YOHANES 19:28

Kinotaauan bidon i Yesus kon tanaa bayongan yagi-yagi ain noḷapat, bo bá onu inta ain pinais kon bonu in Buk Motusi in mobaḻídon, dá Sia in noguman, “Akuoi in moyogang.”

YOHANES 19:24

Dá tontara mita tatua in noyosingog, “Donaaidon poyopongkóon in jubah tanaa. Koḻigai bá morabut kon lot in kita, tayakon mongo ki ine in mokouḻí.” Soaḷ tatua in nobaḻí sinbá motompodon onu inta ain pinais kon bonu in Buk Motusi, nanaa: “Mosia in mosilai kon pakeang-Ku, bo norabut kon lot sin motayak kon jubah-Ku.” Bo totuu natuabí in pinomia in tontara mita tatua.

YOHANES 10:35

Kinotaauanbí naton kon onu inta ain pinais kon bonu in Buk Motusi umuranbí pakéon, diábí in goga-gogainea. Dá aka ki Allah monangoi ‘ilah’ kon intau mita inta nopirisayadon kon singog-Nea.

LUKAS 22:37

Sin pirisayadon in tontagá kon Buk Motusi inta noguman nanaa, ‘Sia in inanggap naonda bo intau moraat,’ mustibí mobaḻí kon i-Nakó. Sin onu inta pinais kon Buk Motusi soaḷ Akuoi, koyogot bidon mobaḻí in tanaa mako.”

LUKAS 22:3

Onda intua Ibilis ginumonú kon i Yudas inta dinonoi ki Iskariot, tobatú murí i Yesus inta kon sigad nayamopuḷú bodoyowá.

DANIEL 12:7

Intau ibanea tatua in nopotundú in ḻimanea doyowa nosimpaḷ ná ḷangit. Dinongogku in sia nongibot pinodoyon kon i Allah inta mononoi bo noguman, “Bayongan inta nobaḻí tatua in modapotbí in toḷu notaong kapin. Naonda in mopaḷut mako in pomogutúan kon umat i Allah mopaḷut, dá mopaḷut domandon in inta mokoherang mita tatua.”

YESAYA 45:17

Táe Israel in pinosaḷamat i Tuhan; kasaḷamatannea in motantúbí. Moiko in diábí pokopooyáanmai bo singkuḻeon modapot in mononoi.’ ”

AMSAL 19:21

Intau mobayong in tomayá, táe tongábí onu in sinantú i Tuhan in mobaḻí.

WAHYU 6:11

Mosia in sinukidan in jubah nobudó. Bo mosia in pinoki pogogaianpa bui motoyong sin pogoḷa-goḷatan kon kotompodan in kobayong yobayat mita inta topogaidan monia bo ki utat mita monia inta ḻimodon ná mosia.

WAHYU 19:9

Bo malaekat tatua in noguman kon inakó, “Paisdon in naa: ‘Mosanangdon totok in intau inta inoiní mamangoi in rame ponikaan i Adí in domba tatua.’ ” Malaekat tatua in noguman doman bui kon inakó, “Habar tanaa in totu-totuubí nongkon i Allah.”