WAHYU 17:10 - Alkitab Singog In Mongondow Masa In Tanaa

¹⁰ ḻima nongkon sigad monia tua ain noḷabú, tobatú in nomarentapa, bo tobatú doman in diápa namangoi. Aka sia in mamangoi, yo momarentapa motoyong in sia.

WAHYU 17:10 Referans Kwoze

WAHYU 10:11

Onda intua akuoi in pinarentaan, “Sinbá buipa mopoyaput magí-mako in habar i Allah soaḷ bangusa mita, negara mita, bahasa mita bo datu mita.”

WAHYU 17:11

Bo mahaḷuk inta perna nobiag koḻipod, táe diádon in tanaa mako, tua in datu inta iwaḷunea. Sia tua in tobatúbí doman datu kon sigad nayapitu tua, inta masa naa koyogot mayá in tampat koyoyangan monia.

YESAYA 23:15

Moiangoibí in wakutunea Tirus in koḻiongan kon bonu in pitu nopuḷú notaong, notongkai in umur in datu tobatú. Aka moitaḻibdon in sempo tatua, Tirus in nádon onda bo bobay sundaḷ kon bonu in dondong tanaa:

WAHYU 13:3

Tobatú kon sigad in uḷu pitu in mahaḷuk tatua koontongan naonda bo kekeb inta mobogatdon totok, táe kekeb tatua in nopiadon. Bayongan tombonu in dunia naa, nodait dinumudui kon mahaḷuk tatua takin nohera-herangan.

WAHYU 13:12

Kon tayowon in mahaḷuk inta muna tatua, sia nopomaké in kawasa nea inta moḷoben inta nouḻínea doman nongkon mahaḷuk tatua. Bayongan in butá naa bo bayongan inta nogutun kon tudunea, pinakisanea mosumba kon mahaḷuk inta muna tatua, inta kekebnea mobogat ain nopia.

WAHYU 17:16

Tungoi mopuḷú bo mahaḷuk inta inontongmu tua, moyaatbí in ginanea kon sundaḷ tatua. Daitonbí agowon monia in bayongan kapunyaannea, bo pilangan monia. Kaanonbí monia in tapúnea bo payongon monia in tuḷu.