WAHYU 16:9 - Alkitab Singog In Mongondow Masa In Tanaa

⁹ Intau sinurubnea in patú inta nongkon i-Nia, bo mosia in nogodi-godimai kon tangoi i Allah inta nongawasa kon bodito mita tatua. Umpaka natuadon, táe mosia in doíbí doman in mogogai mogaid kon dosa mita monia bo doí doman modayow kon kamuliaan i Allah.

WAHYU 16:9 Referans Kwoze

WAHYU 16:21

Uyan eis moḷoben, inta toḷoḻima nokilo in kosibuḷnea, noḷabú nongkon ḷangit bo noidantug kon intau mita. Dá mosia in nohojat kon i Allah popisí bodito uyan eis inta totok in motoyang tua.

WAHYU 11:13

Dá dodai intua nobaḻídon in ḻinug inta totok in moropot. Bo sepersepulú nongkon kotá tatua norimumud. Pitu noribu intau minatoi wakutu in ḻinug tatua. Intau mita ibanea in totokdon in noondok, dá nodayowdon in mosia kon koḷoḷoben in kawasa i Allah inta kon soroga.

WAHYU 2:21

Sia inogoian-Kudon in kasampatan mogogai in mogaid kon dosanea mita, táe doíbí in sia mogogai mogaid kon soaḷ mita inta mokotor tua.

LUKAS 13:5

Diáa! Komintanpa doman in poguman-Ku kon i monimu: Aka moiko bo diá mogogai in mogaid kon dosa, yo moiko in moputúbí doman ná mosia.”

LUKAS 13:3

Diáa! Táe pokotoropdon in moiko: aka moiko bo diá mogogai in mogaid kon dosa, yo moiko in moputúbí komintan, naonda bo mosia.

YEREMIA 5:3

Inta sinuntut i Tuhan in kososatiabí. Ki Tuhan in noḷubok kon i monimu, táe diá in pandung monimu. Sia in nomutuk kon i monimu, táe moiko in doí sambokon. Moiko in pamandot, bo doí mogogai in mogaid kon dosamu mita.

WAHYU 14:7

Malaekat tatua in nomaḷú noropot totok, nanaa: “Koondokdon kon i Allah, bo pomuliadon in Sia! Sin naadon in wakutu i Allah mohakim kon dunia. Sumbadon in Sia inta ain nomia kon ḷangit, butá dagat bo bayongan in bokaká!”

WAHYU 9:20

Táe intau mita ki agatnea inta diá minatoi in roriga tatua in doípabí doman in mogogai mogaid kon inta diá nopia inta biasamai aidan monia. Mosia in umuran mosumba kon dimukud mita moraat bo berhala mita inta pinomia nongkon buḷawan, saḷaka, tambaga, batu bo kayu inta diá mokoontong, diá mokodongog bo diá doman mokobayá.

KORINTUS 2 12:21

Moḻia-ḻiaw doman in ginaku sin dikabo naonda in akuoi mamangoi bui, popoompáan i Allah in akuoi kon tayowon monimu, bo mongombaḷ in akuoi sin nobayongdon in kon sigad monimu in nogaid kon dosa wakutu intua bo diápa doman nobaḷui, bo tantúpa doman nogaid kon oaid mita inta moraat totok bo inta diá patus aidan i intau inta mopirisaya.

YEHEZKIEL 24:13

Ei Yerusalem, oaidmu mita inta mokotor noponajisdon kon awakmu. Sinungkuḷan-Kudon dinaritan in iko, táe diá in mangaḻenea, sin iko in umuranbí nonajis. Iko in diábí modarit bui modapot in poḷuaion-Ku in torú-Ku kon inimu.

YESAYA 8:21

Intau mita inta noiḷangkam bo ginogoi in nobaya-bayáanbí mako in kon butá tatua. Popisí in malarat in kaanon, mosia in umuran tumorú nodapot in mopogodi-godimai kon datu bo kon Allah monia. Kon ondaka in pobobuian monia, moidamonik

YESAYA 1:5

Nongonu sin moiko in umuranbí momayow? Moibog degá in moiko hukumon moiḻiu kon tua in kobogatnea? Uḷumu ain nopuḻing in paḻí mita, gina bo raianmu monakit.

TAWARIKH 2 28:22

Kon bonu in kaadaan inta totok in mororiga tatua, nodugangdon in dosa i Ahas kon i Tuhan.

DATU MITA 2 6:33

Diápa nopaḷut in ki Elisa nosingog, ki datu noidapotdon intua bo noguman, “Roriga tanaa ki Tuhanbí in nopoḷabú kon inaton! Dá onupabí in mangaḻenea in akuoi moharap mako kon totuḷung-Nea?”

YOSUA 7:19

Ki Yosua noguman kon i Akhan, “Adíku, pongakudon bo pogumandon kosilang kon naa kon tayowon i Tuhan, Allah in Israel, onu inta ain inaidanmu. Potaaudon kon inakó, dikadon bunion.”

YEREMIA 13:6

Diá noonggot kon tua ki Tuhan in nopotabá bui kon inakó minayá in Ongkag in Eprat sin mogamá kon bintoḷ nopoḷok tatua.