WAHYU 11:7 - Alkitab Singog In Mongondow Masa In Tanaa

⁷ Naonda in mosia mopaḷutdon mopotaau in habar monia, dá mahaḷuk inta iḷumuai nongkon irang in popatoi moḷawang kon i monia, poḷat monaḷow bodongka moḻimod kon i monia.

WAHYU 11:7 Referans Kwoze

WAHYU 13:7

Sia inogoianpa doman in wakutu moḷawang kon umat i Allah takin monaḷow kon i monia. Bo inogoian doman in kasampatan mongawasa kon bayongan suku, umat, bahasa bo bangusa.

DANIEL 7:25

Sia in mosingogbí monayow kon i Allah Inta Totok in moḷantud bo mondorot kon umat i Allah. Sia in moḷongasibí momaḷui kon hukum mita bo singgai mita moḷoben in agama in umat i Allah, bo mosia in kawasaanneabí kon bonu in toḷu bo tobotak in taong.

YOHANES 17:4

Akuoi ain nopomulia kon i Amá kon dunia naa takin aid nokopoḷapat kon oaidan inta pinoki aid i Amá kon i-Nakó.

LUKAS 13:32

Táe ki Yesus in noguman kon i monia, “Bayádon bo poguman kon intau tatua inta moibog momoguyaat kon tomayá i Allah, ‘Singgai naa bo ikoḷom akuoi in moguntun kon dimukud moraat bo mongundam kon intau mita notakit, táe kon singgai intoḷunea, Akuoi in mongingguputdon kon oaidan-Ku.’

WAHYU 13:11

Bo akuoi in buidon nokoontong kon tobatú mahaḷuk ibanea inta noitukat nongkon bonu in butá. Doyowa in tungoinea, naonda bo tungoi in ki adí in domba. Singognea naonda bo singog in naga.

WAHYU 11:3

Akuoi in mopotabá in sakusi-Ku doyowa inta mogiḷambung in ḷambung intau kinopatoian, bo mosia mopoumum in habar i Allah solama toribu bodoyowa nogatut bo onom nopuḷú nosinggai in koonggotnea.”

OUMAN IN RASUL MITA 20:24

Táe tua in diábí hirauonkumai matoi kabí asaḷ bo oaidan inta pinoki aid i Tuhan Yesus kon i nakó in moḷapatku aidan bo ginaku in umuran motantú modapot in kopaḷutan kobiaganku naa kon akuoi in mustibí mopoyaput in Habar Mopia inta ain pinonotabi i Allah kon i naton.

TIMOTIUS 2 4:7

Aka ná motanding yo akuoi in dinumuduidon totok kon pinotandingan nodapot kon bares pangabisan. Bo umuran in akuoi notoindudui kon i Kristus Yesus nodapot in pangabisan.

YOHANES 19:30

Ki Yesus in nonginsip kon anggur boil tatua bo noguman, “Ain nopaḷut!” Bo kinumuyungdon in Sia bo poḷat minatoi.

LUKAS 8:31

Dá dimukud mita tatua in nopoigum kon i Yesus sinbá diá potabá-Nea in mosia mayá in Irang Popatoi.

WAHYU 12:17

Naga tatua totokdon in sinumorú kon bobay tatua, sahingga minayá nogaḷow kon buí in bobay tatua inta ibanea. Mosia inta umuran dinumudui kon parenta i Allah bo inta nobogoi in kosakusian soaḷ ki Yesus bo kawasa-Nea.