WAHYU 1:14 - Alkitab Singog In Mongondow Masa In Tanaa

¹⁴ Buok-Nea in nobudó naonda bo bubuḷ in domba, ná kobudó doman in kapot. Mata-Nea in moyongki-yongkit naonda bo tuḷu;

WAHYU 1:14 Referans Kwoze

DANIEL 10:6

Awaknea in mopouḻi-uḻinag naonda bo permata, pogotnea in ná kobayag in sindar in kilat, bo matanea in mopodoko-dokot naonda bo tuḷú. Kokaḷ bo sioḷnea in mopouḻi-uḻinag naonda bo bitú inta iradatan, bo singognea in kodongogan naonda bo singog in intau mobarong.

WAHYU 19:12

Matanea in naonda bo dokot in tuḷú, bo kon uḷunea pinakéan in mahkota mobayong. Kon awaknea pinaisan in tangoi, bo tongábí sia in nonotaau kon tangoi tatua.

DANIEL 7:9

Koyogotpa in akuoi nonaridipa mako, tongonumai in tampat pomomarentaan koyogot in inukat. Bo Sia inta mononoi iḻimitú kon tudu in tobatú tampat pomomarentaan mita tatua. Pakeang-Nea bo buok-Nea in nobudó nodarit naonda bo kapot. Tampat pomomarentaan-Nea takin rodanea mita in nodoko-dokot popisí tuḷú iḷumekep,

WAHYU 2:18

“Paisdon kon malaekat in jamaat inta kon Tiatira, paisdon nanaa: Nanaa in koyow nongkon Adí i Allah inta mata-Nea moyongkit naonda bo tuḷu; bo sioḷ-Nea in naonda bo tambaga sinubá.

MATIUS 28:3

Pogot in malaekat tatua mopouḻi-uḻinag, ḷambungnea in nobudó totok naonda bo salju.