ULANGAN 9:23 - Alkitab Singog In Mongondow Masa In Tanaa

²³ Bo kon dodai in moiko pinotabá i Tuhan monaḷámai kon Kades-Barnea sin mayá bo ḻimitú kon butá inta bain ogoi-Nea kon inimu, moiko noḷawang kon parenta i Tuhan Allahmu; moiko doí mopirisaya ande motoindudui kon i-Nia.

ULANGAN 9:23 Referans Kwoze

IBRANI 4:2

Sin habar tatua in pinotaaudon doman kon i naton notongkai ná kon i monia. Táe habar tatua diá in baragunanea kon i monia, sin wakutu in dinongog monia diá pinirisaya monia intua.

YESAYA 63:10

Táe mosia in nomarontak bo nokoajar kon gina i Tuhan. Dá nomurow in Sia bo nobaḻí musung monia Sia tontaní in noparang noḷawang kon i monia.

MAZMUR 78:22

sin diá mopirisaya in mosia kon i Allah, kon kawasa-Nea inta mokosaḷamat kon i monia.

PINOGIAPAN 13:1

Ki Tuhan noguman kon i Musa,

PINOGIAPAN 14:9

Dikabí moḷawang kon i Tuhan, bo dika moondok kon intau inta nogutun kon butá tatua, sin diábí moyoyiga naton in monaḷow kon i monia. Inta noḷukad kon i monia tua aindon nonaḷámai kon i monia, bo ki Tuhan in kotaki-takin naton. Dá, dikabí moondok.”

ULANGAN 1:2

Nongkon Buḷud in Sinai nodapot in Kades-Barnea noitaḻib in butá inta kon buḷud in Edom, mopuḷú bomitá nosinggai in bayáan.)

ULANGAN 32:20

Guman-Nea, ‘Akuoi in doí bidon motuḷung kon i monia bui; umpakabí indoian-Kudon mako in kororiga monia. Sin bangusa tatua motontogat in gina bo beresibí diá motoindudui.

PINOGIAPAN 14:1

Kinoouputbí in doḷom intau in Israel momaḷú bo kopia mongombaḷ.

PINOGIAPAN 14:2

Mosia in mongunsingog kon i Musa bo kon i Harun poḷat moguman, “Maníka in kita bo matoi kon Mesir andeka kon padang gurun tanaa! Maníka in kita bo matoidon tanaa!