ULANGAN 8:20 - Alkitab Singog In Mongondow Masa In Tanaa

²⁰ Aka moiko diá motoindudui kon i Tuhan Allahmu, yo yopúon-Nea domandon in moiko, naonda bo bangusa mita inta iyopú-Nea kon tayowon monimu.”

ULANGAN 8:20 Referans Kwoze

ULANGAN 4:26

Poigumon mako ḷangit bo butá mobaḻí sakusi kon aka moiko diá motoindudui kon inakó, moiko in ḷagidon moyopú nongkon butá inta pogutunan monimu kon ḷoḷan in Ongkag in Yordan tatua. Moiko in diábí moonggot in mogutun kon tua; moiko in modaitbí yopúon.

MAZMUR 10:16

Ki Tuhan in momarenta modapot in mononoi; bangusa mita inta diá nonotaau kon i-Nia in moinggamábí nongkon butá-Nea.

YEHEZKIEL 5:5

Ki Tuhan Inta Totok in moḷantud in noguman, “Indoiai, naa in Yerusalem. Kotá tanaa in inukat-Ku kon putod in dunia, bo iḻibu in negara mita ibanea.

IMAMAT 26:27

Bo aka motarima mako kon bayongan hukuman tatua bo umuranpa doman in moiko moḷawang kon i-Nakó bo doí doman dumudui kon i-Nakó,

IMAMAT 26:39

Bo ki ine in kon sigad monimu inta nobiagpa kon butá in musungmu mobiagdon moyoyiga popisí in dosamu tontaní bo dosa in mogoguyangmu.

YOSUA 23:8

Moiko in mustibí umuran mosatia kon i Tuhan, ná inta ain inaidan monimu dapot in tanaa.

YEREMIA 7:26

Táe diá in nokidongog andeka nonondudut. Tongábí nodugang in pamandot monimu bo moraa-raatdon nongkon mogoguyangmu.”

YEREMIA 7:33

Mayat mita monia in mobaḻídon kokaanon in ḷagapan bo mahaḷuk inta mokokaan kon tapú, takin diábí in motayakmai.