ULANGAN 8:1 - Alkitab Singog In Mongondow Masa In Tanaa

¹ “Bayongan in hukum inta inogoiku kon inimu singgai naa musti aidan monimu pokosatia, sinbá moiko umuran mobiag, modugang mobarong bo mogutun kon butá inta pinodandi Tuhan kon mogoguyangmu.

ULANGAN 8:1 Referans Kwoze

ULANGAN 4:1

Bo ki Musa noguman kon bangusa tatua, “Duduiaidon komintan in hukum inta tundúonku kon inimu, sinbá mobiag in moiko bo moiutun kon butá inta bain ogoi i Tuhan, Allah in mogoguyangmu, kon inimu.

ULANGAN 5:32

Utat mita, duduiai pokosatia in bayongan inta pinarenta i Tuhan Allahmu kon inimu. Dika ḻimimpat kon tobatúmai nongkon parenta mita tatua.

YEHEZKIEL 20:19

Akuoibí in ki Tuhan Allahmu. Duduiaidon in hukum mita bo parenta-Ku mita.

ULANGAN 1:8

Akuoi, ki Tuhan, aindon nopodandi in bayongan butá tatua kon mogoguyang monimu ki Abraham, ki Ishak bo ki Yakub takin bayongan buí monia. Dá bayádon ḻitúai in butá tatua.’ ”

ULANGAN 5:33

Aidaidon in bayongan inta pinarenta i Tuhan Allahmu kon inimu sinbá moiko mobiag motompia bo umuran mogutun kon butá inta pogutunan monimu.”

ULANGAN 8:18

Torop kon ki Tuhan Allahmubí in nobogoi in kaoyúonan tatua kon inimu. Tua inaidan-Nea sin umaai in singgai naa Sia umuranpabí mosatia kon dodandian inta pinomia-Nea takin mogoguyangmu.