ULANGAN 7:23 - Alkitab Singog In Mongondow Masa In Tanaa

²³ Natuata in pogogaid i Allah moposarakan in musungmu mita kon inimu. Potombaukon-Neabí in mosia modapot in mosia moyopú.

ULANGAN 7:23 Referans Kwoze

TESALONIKA 2 1:9

Mosia naa inta motarima kon hukuman mokoyoyang modapot in kopaḷutannea bo ḷumbúon koyayúon nongkon tayowon i Tuhan bo nongkon kawasa-Nea inta moḷoben;

YOËL 1:15

Singgai i Tuhan in nodiugdon, singgai inta mokokoningkim; wakutu ki Inta Totok in Mokawasa morimumud.

YEREMIA 17:18

Igumon mako intau inta nogaḷow bo nondorot kon inakó, pokopooyáan-Mumai bo poangoian-Mu in ondok. Táe dikabí intua poaid kon inakó, o Tuhan. Poangoidon in bodito kon i monia modapot in mosia morimumud moputú.

YESAYA 13:6

Pogamuidon, sin singgai i Tuhan in nodiugdon, tuata in singgai koyopúan inta pinoangoi i Tuhan Inta Totok in mokawasa.

ULANGAN 9:3

Táe tanaa, ontongonbí monimu tontaní naonda in ki Tuhan Allahmu mayá kon muna monimu naonda bo tuḷú inta mokopokak. Sia in monaḷowbí kon i monia kon tayowonmu, dá kountunan bo koyopúanbí monimu in mosia motoyong ná inta pinodandi i Tuhan.

ULANGAN 8:20

Aka moiko diá motoindudui kon i Tuhan Allahmu, yo yopúon-Nea domandon in moiko, naonda bo bangusa mita inta iyopú-Nea kon tayowon monimu.”

ULANGAN 2:15

Ki Tuhan umuranbí moḷawang kon i monia nodapot in mosia noyopú komintan.

IḶUAIAN 23:27

Bangusa mita inta angoion monimu baḻíon-Kudon moondok kon i-Nakó; mosia in potombaukon-Kudon; bayongan musungmu modait momurow bo moḷagui.

YOSUA 10:10

Binaḻí i Tuhan in intau mita in Amori notoboḻingo naonda in nokoontong kon tontara mita in Israel. Nobarong intau in Amori in iḻimod kon Gibeon, bo inta nobiagpa dinuduran nosiḻig kon buḷud in Bet-Horon nodapot in Azeka bo Makeda kon dotá in toḷatan.

HAKIM MITA 4:15

onda intua nonubu kon i Sisera. Bo pinotombauk i Tuhan in bayongan tontara i Sisera bo kereta mita in parangnea, dá ki Sisera noponagdon nongkon keretanea, bo noribatuk noḷagui.

ULANGAN 31:5

Ki Tuhan in mobogoibí kon i monimu in kauntungan kon sigad monia, bo mosia in mustibí pomiaan monimu ná inta ain pinogumanku kon inimu.