ULANGAN 7:14 - Alkitab Singog In Mongondow Masa In Tanaa

¹⁴ Nongkon bayongan bangusa kon dunia, diábí tobatúmai in mokouḻí kon barakat inta námai tua in kobarongnea ná inta kon i monimu. Nongkon i monimu bo nongkon bayongan in bobiagonmu diábí in tobatúmai in mobantó.

ULANGAN 7:14 Referans Kwoze

ULANGAN 28:4

Barakatan in moiko, dá mobayong in ki adímu mita, bungai in boyó mobayong totok bo sapi takin bembé dombamu in mobaḻí mobarong totok.

MAZMUR 127:3

Adí mita in ki Allahbí in nobogoi, totuubí kon mosia tua in totabibí.

ULANGAN 28:11

Moiko in ogoianbí in adí mobayong. Bobiagonmu in mobaḻíbí mobayong bo bungai in boyó kon butámu in mobarongbí totok kon butá inta pinodandi i Tuhan kon mogoguyangmu kon ogoi kon inimu.

IMAMAT 26:9

Barakatan-Ku in moiko bo mobogoi in adí bo ompu inta mobayong kon inimu. Onu inta ain pinodandi-Ku kon inimu, notantúbí kon aidan-Ku.

ULANGAN 33:29

Kosanangdon in iko, ei Israel! Diábí in bangusa ná iko pinosaḷamat i Tuhan. Ki Tuhan in naonda bo pitow bo oḻingoi kon inimu; sin moduḷu kon inimu bo mobogoi in kauntungan kon inimu. Musungmu mita in mamangoibí mokikotabimai, bo iko in totokbí in moritak kon i monia.”

MAZMUR 115:15

Igumon mako moiko in barakatan i Tuhan, inta nomaḻí kon ḷangit bo butá!

MAZMUR 107:38

Ki Tuhan in nobogoi in adí mobayong kon i monia, bo bobiagon monia in umuran momuí.

PINOGIAPAN 22:12

Guman i Allah kon i Bileam, “Dika mayá takin intau mita tatua, bo dika mongutuk kon bangusa tatua, sin mosia ain binarakatan-Ku.”

ULANGAN 30:9

Ki Tuhan Allahmu in mopobaḻídon in bayongan totayakmu motarima kon bungainea; moiko in mokouḻídon kon adí mobayong bo bobiagon mobayong; gobámu mita in mobogoibí in bungai in boyó inta mobayong totok. Ki Tuhan takin pia in gina-Nea mobogoibí in kobiagan motompia kon i monimu, ná doman pia in gina-Nea mobogoi in kobiagan motompia kon mogoguyangmu.