ULANGAN 5:6 - Alkitab Singog In Mongondow Masa In Tanaa

⁶ ‘Akuoi in ki Tuhan Allahmu inta nodia kon i monimu iḻumuai nongkon Mesir, tampat inta pinononggataan kon i monimu.

ULANGAN 5:6 Referans Kwoze

ULANGAN 4:4

tongá moiko inta umuran notoindudui kon i Tuhan Allahmu nobiagpa dapot in tanaa mako.

ULANGAN 6:4

Utat mita, toropdon! Tongábí ki Tuhan, bo tongábí ki Tuhan tontaní in Allah naton!

IḶUAIAN 13:3

Ki Musa noguman kon bangusa Israel, “Kon singgai naa ki Tuhan nopoḷuatdon kon i monimu takin kawasa-Nea inta moḷoben, nodapot in moiko nokoḷuaidon nongkon Mesir, tampat pinononggataan kon i monimu. Tuamai, tanobdon in singgai tanaa. Donaaidon mokaan kon roti inta iragian.

IḶUAIAN 13:14

Aka kon singgai moiduduimai ki adímu moḻibó onu in mangaḻe in tua komintan, yo nanaa in pototubag monimu, ‘Takin kawasa inta moḷoben, ki Tuhan nodia kon i naton iḻumuai nongkon butá in Mesir, tampat pinononggataan kon i naton.

IḶUAIAN 20:1

Bo ki Allah in nosingogdon, naa in tosingogon-Nea mita,

ULANGAN 7:8

Táe ki Tuhan nomiḻí kon i monimu sin motabi in Sia kon i monimu bo mogintompod kon dandi inta pinomia-Nea takin mogoguyangmu. Tuamai in noposaḷamat in Sia kon i monimu takin kawasa inta moḷoben bo nopoḷuat kon i monimu nongkon kawasa i datu in Mesir.

ULANGAN 8:14

yo ḷukadai kopia sinbá moiko diá mobaḻí mododia bo mokoḻiongdon kon i Tuhan Allahmu inta nopoḷuai kon i monimu nongkon Mesir, tampat inta pinononggataan kon i monimu.

MAZMUR 81:11

Akuoibí in ki Tuhan Allahmu, inta nodia kon i monimu iḻumuai nongkon Mesir. Kon dodai in moiko ginogoi moiko inogoian-Ku in kaanon.

YEREMIA 11:4

Dodandian tatua in inaidan-Ku takin mogoguyang monia kon dodai in mosia dinia-Ku iḻumuai nongkon Mesir, ḻipú inta naonda bo naraka kon i monia. Akuoi in nopotabá kon i monia tumoindudui kon i-Nakó bo mogaid kon bayongan inta pinarenta-Ku. Tanaa in pinoguman-Kudon doman kon intau mita in Yohuda bo intau in Yerusalem kon aka mosia bo motoḷutui kon i-Nakó yo mosia in mobaḻí umat-Ku bo Akuoi in ki Allah monia.

MIKHA 6:4

Moiko in dinia-Kudon iḻumuai nongkon Mesir, bo pinoḷuat-Kudon nongkon pinononggataan; Akuoi in nopotabádon kon i Musa, kon i Harun, bo kon i Miryam sin modia kon i monimu.