ULANGAN 4:38 - Alkitab Singog In Mongondow Masa In Tanaa

³⁸ Bangusa mita inta moḷobe-ḷoben bo moropo-ropot pinoguntun-Nea nongkon tayowonmu, sin mogatod kon i monimu mayá in butá monia inta inogoi-Nea kon inimu, butá inta masai naa nobaḻídon kapunyaanmu.

ULANGAN 4:38 Referans Kwoze

ULANGAN 7:1

“Ki Tuhan Allahmu in modiabí kon i monimu mayá in butá inta bain pogutunan monimu, bo mobayongbí in bangusa inta poguntunon-Nea nongkon tua. Koonto-ontongmubí in Sia moguntun kon pitu in bangusa inta moḷobe-ḷoben bo moropo-ropot nongkon i monimu, tuata in intau mita in Het, Girgasi, Amori, Kanaan, Peris, Hewi bo Yebus.

ULANGAN 11:23

Dá ki Tuhan in mopoguntunbí kon bayongan in bangusa tatua nongkon tayowonmu, bo moiko in mogutundon kon butá kapunyaan in bangusa mita inta moḷobe-ḷoben bo inta moropo-ropot nongkon inimu.

ULANGAN 2:31

Onda intua ki Tuhan noguman kon inakó, ‘Datu in Sihon bo butánea Ogoi-Kudon kon inimu; gamá bo ḻitúaidon in butá tatua.’

YOSUA 3:10

Aka moiko mayádon monubu, yo notantú bidon kon untunonbí i Tuhan in intau in Kanaan, Het, Hewi, Peris, Girgasi, Amori bo Yebus. Bo kon dodai in Poti Dodandian i Tuhan inta nomaḻí kon dunia naa ḷumoḷandon kon Yordan umuna kon i monimu, yo ontongondon monimu kon ki Allah inta nobiag in kon yua-yuakdon monimu.

ULANGAN 8:18

Torop kon ki Tuhan Allahmubí in nobogoi in kaoyúonan tatua kon inimu. Tua inaidan-Nea sin umaai in singgai naa Sia umuranpabí mosatia kon dodandian inta pinomia-Nea takin mogoguyangmu.

PINOGIAPAN 34:14

Suku mita i Ruben bo i Gad takin tongobotak in suku Manasye ain notarima kon tonsilai monia, bo butá tatua ain doman sinilai kon koluarga mita monia.

PINOGIAPAN 34:15

Butá tonsilai monia tatua kon dotá in pomukaan kon Ongkag in Yordan, kon diug in kotá in Yerikho.”

TAWARIKH 2 20:7

Ikobí in ki Allah nami. Kon tungkuḷ in umat-Mu, bangusa in Israel, namangoi kon butá tanaa, Iko nopoguntun kon intau mita inta kon dodai intua nogutun kon naa. Bo Iko in nobogoi kon butá tanaa kon buí i Abraham, yobayat-Mu, sin mobaḻí butá kapunyaan monia modapot in mononoi.

TAWARIKH 2 20:11

Tanaa, nanaabí in aid in bangusa mita tatua kon inami. Moibogbí in mosia mopoguntun kon inami nongkon butá inta inogoi-Mu kon inami.