ULANGAN 4:31 - Alkitab Singog In Mongondow Masa In Tanaa

³¹ Ki Tuhan Allahmu in Allahbí inta totok in kototabi. Sia in diábí monaḷámai ande moyopú kon i monimu, ande moḻiong kon dodandian inta pinomia-Nea tontaní takin mogoguyangmu.

ULANGAN 4:31 Referans Kwoze

MAZMUR 116:5

Ki Tuhan tua in kototabi bo moadil; ki Allah naton nopuḻing in tabi.

ULANGAN 31:8

Ki Tuhan tontaní in mokapit bo motuḷung kon inimu. Diábí pokuyangon-Nea in ginamu bo diábí doman taḷaan-Nea in iko, tuamai dikadon moondok ande mogagawang.”

YUNUS 4:2

Bo nosambayang in sia. “O Tuhan, aindon pinogumanku muna kon dodai in diápa nobuat nongkon baḷoiku koḻipod, kon notantúbí kon aidan-Mu in nanaa! Tuamai in akuoi bayá-bayádon noḷagui minayá in Spanyol! Kinotaauanku kon Iko in ki Allah inta totok in kototabi bo motanob, mosabar, moḷukó in dodia, bo umuranbí mosadia momaḷui kon tomayá mohukum.

NEHEMIA 9:31

Táe popisí in tabi-Mu moḷoben diá in poḻiuan, diábí sinaḷáan andeka irimumud-Mu in mosia. Totuu, Ikobí in Allah inta diá in poḻiuan; moḷoben in tabi-Mu, nopuḻing in tabi!

TAWARIKH 2 30:9

Aka moiko bo mobui mogundoi kon i Tuhan, dá intau mita inta nogakut kon ginaḷum motoḷuadímu nobaḻí intau mita inta dinakop, koangoiandon in tabi bo ogoidon monia mobui in mosia. Ki Tuhan Allahmu in ki Allahbí inta mopia bo oyúon kototabi; tarimaan-Neabí in moiko aka moiko mobui mangoi kon i-Nia.”

IMAMAT 26:42

yo toropon-Kudon in dodandian-Ku takin i Yakub, i Ishak bo i Abraham. Toimbaguon-Kudon in dodandian-Ku sin mobogoi in butá tatua kon bangusa-Ku.

ULANGAN 31:6

Moiko in musti morigon in gina bo mobarani! Dika moondok kon i monia, sin ki Tuhan Allahmu tontaní inta motuḷung kon i monimu. Diábí pokuyangon-Nea in gina ande monaḷámai kon i monimu.”

LUKAS 1:72

Sin mopoontong in totabi-Nea kon i mogoguyang naton podudui in dandi-Nea. Sin dandi-Nea tua in umuranbí kinotoropan-Nea.

YEREMIA 14:21

Toropdon in dandi-Mu, dika kaasí poompáan-Mumai in kami; dodandian-Mu takin inami dikabí inggamáan-Mu. Yerusalem in tampat pomomarentaan-Mu inta momulia, dika kaasí poompáan-Mumai.

MAZMUR 111:9

Sia in nopoḷuat kon umat-Nea, bo nomia kon dodandian mononoi takin i monia. Sia tua in ki Tuhan inta mokudus bo motorindog!

MAZMUR 111:5

Sia in nobogoi in rijiki kon intau inta motoguondok, bo inta umuran mokotorop kon dodandian-Nea.

YOSUA 1:5

Tobatúmai in intau diábí in mokotaḷow kon inimu, Yosua, kinoouputbí in kinobiaganmu. Sin umuran-Kubí takinan in iko ná ki Musa koḻipod. Diábí in Akuoi monaḷámai kon inimu.

PINOGIAPAN 14:18

‘Akuoi, ki Tuhan, diábí ḷagi tumorú. Poontong-Kubí in tabi bo satia-Ku inta diá in poḻiuan. Ampungan-Kubí in intau inta binaradosa bo inta noḷawang kon i-Nakó. Pomayádon mako nanaa, taḷá in guyanga in tuḻían-Kudon kon adí bo ompunea, modapot in buí nogintoḷu bo buí noginggopat.’

IMAMAT 26:45

Toimbaguon-Kudon in dodandian inta pinomia-Ku takin mogoguyang monia, kon tungkuḷ in Akuoi nopoontong in kawasa-Ku kon bayongan bangusa takin nodia kon umat-Ku iḻumuai nongkon Mesir, sinbá Akuoi, ki Tuhan mobaḻí ki Allah monia.”

NEHEMIA 1:5

“Oo Tuhan Allah inta nongawasa kon soroga. Iko in Allah Inta Moḷoben bo kami in tumayow kon ini-Mu takin moondok totok. Iko in tantúbí mosatia bo nokadai kon dandi-Mu kon intau mita inta motabi kon ini-Mu bo motoindudui kon parenta-Mu.

MAZMUR 105:8

Sia in umuranbí mokotorop kon dodandian-Nea, dandi-Nea in mononoibí.

MAZMUR 86:15

Táe Iko, o Tuhan, ki Allah inta motabi bo mopia in gina, mosabar, nopuḻing in tabi bo mosatia.

MAZMUR 86:5

Iko in mopia, o Tuhan, bo moibog mongampung, intau inta mosambayang kon ini-Mu umuranbí kotabi-Mu takin tabi inta moiḻiu.

TAWARIKH 1 28:20

Onda intua ki Datu Daud noguman bui kon i Salomo adínea ḷoḷaki. “Iko in musti mokopoyakin bo mokopobarani. Pangkoidon in oaidan tatua bo dika moondok kon onuka. Ki Tuhan Allah inta sinumbaku in motuḷungbí kon inimu. Diábí in Sia monaḷámai kon inimu. Umuran-Neabí takinan in iko modapot in moḷapatdon komintan in oaidan tatua.

MIKHA 7:18

Diábí in Allah ná Iko, o Tuhan, inta mongampung kon dosa in umat inta piniḻí-Mu inta ki agatneapa. Diábí modapot in mononoi tumorú in Iko; táe, mopiabí in gina-Mu in moponiata in tabi-Mu inta diá in obotnea tatua.

IBRANI 13:5

Aka mobiag yo dikabí kawasaan in ibog kon doit, táe kosanangbí in momaké kon onu inta nouḻímu sin ki Allah nogumandon nanaa, “Akuoi in diábí mopomayá mako andeka monaḷámai kon inimu.”

IMAMAT 26:44

Táe umpaka in mosia kon butápa in musung monia, mosia in diábí taḷaan-Ku ande yompaton-Ku komintan. Sin aka mosia yompaton-Ku, yo mangaḻenea kon tua Akuoidon tontaní in nomontow kon dodandian-Ku takin i monia, bokaka Akuoi naa in ki Tuhan Allah monia.

MAZMUR 103:8

Sin ki Tuhan in motabi bo mopia in gina Sia in mosabar bo tabi-Nea in moiḻiu ḷoben.

MAZMUR 111:4

Ki Tuhan tua in motabi bo mopia in gina, Sia in nogaid kon inta mokotongaw mita, sinbá umuran kotoropan naton intua.

YEREMIA 30:11

Akuoi in mamangoibí bo moiko in posaḷamaton-Kubí. Bangusa mita, inta pinoporaritan-Ku kon i monimu komintanbí yopúon-Ku, táe moiko in diábí pomiaan-Ku natua. Memang moiko in diábí moiḷagui kon hukuman táe hukuman-Ku kon i monimu in moadilbí podudui in inta ain sinantú. Akuoi, ki Tuhan ain nosingog.”

IḶUAIAN 6:8

Bayongan koyow i Tuhan tatua pinotaau i Musa kon bangusa Israel, táe mosia in doí mopandungmai kon i Musa, sin pinononggataan inta totok in moraat tatua ain nokoinggamádon kon kamang monia.