ULANGAN 34:8 - Alkitab Singog In Mongondow Masa In Tanaa

⁸ Kon rata in Moab intau mita in Israel mongombaḷmai kon i Musa bo nonogumatoi toḷu nopuḷú nosinggai in koonggotnea.

ULANGAN 34:8 Referans Kwoze

KINOBAḺIAN 50:3

Oaidan tatua modait motoḻisí kon bonu opat nopuḷú nosinggai, tuata in wakutu inta biasamai pakéon monompia kon mayat. Intau in Mesir nongombaḷ kon i Yakub, pitu nopuḷú nosinggai in koonggotnea.

PINOGIAPAN 20:29

Bayongan umat nokodongog kon ki Harun minatoidon, bo mosia komintan nonogumatoidon toḷu nopuḷú nosinggai in koonggotnea.

KINOBAḺIAN 50:10

Naonda in mosia nodapot kon tampat pobobantingan in intau kon gandum kon Goren-Haatad, kon dotá in pomukaan kon Ongkag in Yordan, mosia in nongombaḷ takin kuyang in gina bo takin doman ombaḷ moropot. Ki Yusup nomia kon pinonusaan, pitu nosinggai in koongotnea.

OUMAN IN RASUL MITA 8:2

Bayongan in intau inta mongoondok kon i Allah noḷobong kon i Stepanus bo totok monia inuangan in sia.

YESAYA 57:1

Intau mopia bo motoindudui minatoi, diá in nomangaḻe andeka nonaridimai. Naonda in minatoi, mosia in noiḷagui nongkon bodito bo nogogai takin dame.

SAMUEL 1 25:1

Diá noonggot kon tua minatoi in ki Samuel. Bayongan intau in Israel noyosipun sin tumakin kon upacara pinonogumatoian. Onda intua iḷobongdon in sia kon baḷoinea kon Rama. Nopaḷut mako kon tua ki Daud minayá in padang gurun Paran.

ULANGAN 34:7

Ki Musa minatoi kon dodai in umur mogatut bo doyowa nopuḷú notaong. Ropotnea in diábí nogaat bo matanea umuranpabí doman motarang.

ULANGAN 34:9

Ki Tuhan in nobogoi kon i Yosua ki adí i Nun in kabijaksanaan sin sia in piniḻídon i Musa monoḻiu kon inia. Bangusa Israel motoindudui kon i Yosua bo nopobayá in parenta mita inta inogoi i Tuhan kon i monia pinongin i Musa.

SAMUEL 2 11:26

Naonda in kinodongogan i Batsyeba kon ki buḷoinea in minatoidon, nonogumatoidon in sia.