ULANGAN 34:11 - Alkitab Singog In Mongondow Masa In Tanaa

¹¹ Diádon in mogaid kon mujizat mita bo inta mokoherang mita ná inta pinomia i Musa kon butá in Mesir, kon i datunea bo kon intaunea mita moḷoben podudui in parenta i Tuhan.

ULANGAN 34:11 Referans Kwoze

ULANGAN 7:19

Toropdon in bodito mita inta motoyang inta inontong monimu tontaní, soaḷ mita inta mokoherang, bo ropot inta moḷoben inta pinaké i Tuhan Allahmu sin mopoḷuat kon i monimu. Ná doman in popoaid i Tuhan Allahmu kon bayongan bangusa inta kinoondok monimu.

ULANGAN 4:34

Dodai in onda in oyúon in ilah tobatú inta nobarani nogamá kon bangusa tobatú nongkon bangusa mita inta oyúon bodongka binaḻí umatnea tontaní, ná inta inaidan i Tuhan Allahmu kon inimu kon Mesir? Inontongdon monimu tontaní naonda in ki Allah takin ropot inta moḷoben nopoangoi in bodito bo parang, nomia kon inta mokoherang mita bo nomia kon soaḷ mita inta motoyang totok.

ULANGAN 26:8

Takin kawasa bo ropot inta moḷoben Iko nopoḷuai kon i nami nongkon Mesir. Iko nogaid kon mujizat mita bo inta mokoherang mita poḷat nopomuká in aid mita inta nokodoḻiok kon musung.

ULANGAN 34:10

Kon Israel in diá bidon in nabi ná ki Musa inta nongonguman i Tuhan noyogintayowan.

ULANGAN 34:12

Diá in momia kon oaidan mita inta motoyang bo inta mokoondok ná inta pinomia i Musa kon tayowon in bayongan bangusa israel.

ULANGAN 1:30

Ki Tuhan Allah in modiabí kon i monimu bo moposaḷamat kon i monimu ná inta ain inontong monimu tontaní kon Mesir