ULANGAN 33:5 - Alkitab Singog In Mongondow Masa In Tanaa

⁵ Kon dodai in Israel noyosipun takin itoinea mita, ki Tuhan in nobaḻí Datu kon umat-Nea.”

ULANGAN 33:5 Referans Kwoze

ULANGAN 32:15

Umat i Tuhan nobaḻí nobiag nooyúon, táe moibog momarontak, mosia in nongoḷongó, nobotug in kaanon. Bo mosia in nonaḷámai kon i Allah, inta nomaḻí kon i monia bo nondoí kon Mopoposaḷamatnea inta moroton.

HAKIM MITA 17:6

Kon tungkuḷ intua Israel diádon in datu; batúan intau mogaid kon onu in irainea moitutui.

HAKIM MITA 9:2

“Tungkuḷaika ḻibó kon bayongan in intau in Sikhem, onda in mopia-pia: Parentaan i adí i Gideon inta pitu nopuḷú, andeka tongá intau tobatú? Ponoropdon kon i monia kon akuoi naa in oyúonpabí in uput in kompong nongkon i monia tua.”

HAKIM MITA 8:22

Onda intua umat in Israel nogumandon kon i Gideon, “Iko in aindon nopoḷuat kon inami nongkon kawasa in intau in Midian. Tuamai in ikodon in mobaḻí itoi nami – iko bo buímu.”

PINOGIAPAN 23:21

Kon i Yakub diábí kinoontongan in moraat; kon Israel diábí doman kinoontongan in mororiga. Ki Tuhan, Allah monia, kotaki-takin monia. Mosia norogiow: Siabí in Datu!

IḶUAIAN 18:19

Indongogaipa in singogku naa, bo tuḷunganbí i Allah in iko. Totuubí doman kon mopiabí aka iko mobaḻí toḻiu in bangusa tanaa kon tayowon i Allah bo modia kon yagi-yagi inta mokorogenggeng kon umat bo potaau kon i-Nia.

IḶUAIAN 18:16

Aka mosia moyogintaḷá, mosia mamangoi in kon inakó sinbá momaḷut kon pelekara monia, bo potaauku kon i monia in parenta bo hukum mita i Allah.”

KINOBAḺIAN 36:31

Kon dodai in diápa in datu nomarenta kon Israel, datu mita inta noiduduimai tanaa nomarenta kon butá in Edom noyo-noyodudui: Ki Bela ki adí i Beor kon i Dinhaba. Ki Yobab ki adí i Zera nongkon i Bozra. Ki Husyam nongkon butá in Téman. Ki Hadad ki adí i Bedad nongkon Awit (sia tuata inta nonaḷow kon intau in Midian tungkuḷ in noparang kon butá in Moab). Ki Samla nongkon Masreka. Ki Saul nongkon Rehobot inta kon bingkí in ongkag. Ki Baal-Hanan ki adí i Akhbor. Ki Hadar nongkon Pahu (Tangoi buḷoinea in ki Mehetabeel, ki adí i Matred inta ki ompu i Mezahab).

YESAYA 44:2

Akuoibí in ki Tuhan inta nomaḻí kon inimu, inta nomia kon inimu nongkon bonupa in sian, bo inta notuḷung kon inimu. Dika moondok, iko in mogogundoi-Ku, umat inta piniḻí-Ku inta kinotabi-ku.

IḶUAIAN 15:18

Ikodon ki Tuhan, Datu, inta tantú momarenta.”

ULANGAN 33:26

“Ei Israel! Diábí in ilah ná ki Allahmu; Sia in minayá kon ḷangit diá in poḻiuan bo nongin goḷom sin motuḷung kon i monimu.