ULANGAN 33:23 - Alkitab Singog In Mongondow Masa In Tanaa

²³ Bo kon suku i Naptali sia in noguman: “Naptali in inogoian in barakat mobarong bo tabi i Tuhan; butánea in nongkon Danow Galilea nodapot kon toḷatan.”

ULANGAN 33:23 Referans Kwoze

KINOBAḺIAN 49:21

Naptali, naonda bo rusa nokobuḻi, tumongo ḷunat in ki adínea mita.

MATIUS 4:16

Bangusa inta nobiag kon bonu in sindip, mosia aindon nokoontong kon bayag inta moḷoben! Bo mosia inta nogutun kon ḻipú inta kinokoḷubungan in maut nomukádon in bayag!”

YEREMIA 31:14

Imang mita in poguḻíon-Kubí in kaanon inta mobayong totok; bo bayongan inta paraḷuon in umat-Ku ogoi-Kubí. Akuoi, ki Tuhan, inta noguman.”

MAZMUR 36:8

Totuu moḷoben in mangaḻe in tabi-Mu, o Allah, intau in moniung kon bonu in koḻikip-Mu.

MATIUS 4:13

Sia nonaḷámai kon Nazaret bo minayá nogutun kon Kapernaum, kon bingkí in Danow Galilea, kon butá in Zebulon bo Naptali,

MAZMUR 90:14

Poḻiudon in tabi-Mu kon inami pomuḷoi in doḷo-doḷom, sinbá moḷunganga in gina nami bo tantú modondong kinoouput in kinobiagan nami.

MATIUS 11:28

Angoidon kon i-Nakó, moiko komintan inta mongoḷopí, bo intau inta kopota-potaan in mosibuḷ, sinbá ḷuatan-Kudon intua kon i monimu.

ULANGAN 33:24

Bo kon suku i Asyer sia in noguman: “Ki Asyer binarakatan noiḻiu kon suku mita ibanea; igumon mako in sia in nobaḻí inta kinotabi i utatnea mita, bo pangkoi in zaitun mobiag moḷumbá kon butánea.