ULANGAN 33:17 - Alkitab Singog In Mongondow Masa In Tanaa

¹⁷ Kon i Yusup oyúon in ropot in bantong, bo tungoi in sapi in kayuon tuata in ribuan Manasye bo puḷúan ribu in Epraim. Bangusa mita in sinungoinea bo inundudnea nodapot in popod in butá.”

ULANGAN 33:17 Referans Kwoze

PINOGIAPAN 23:22

Ki Allah in nodia kon i monia iḻumuai nongkon Mesir; naonda bo bantong kaḻig Sia in noparang sin motuḷung kon i monia.

MAZMUR 44:5

Ikobí in Datuku bo Allahku, inta nopountung kon umat-Mu.

DATU MITA IMITÁNEA 22:11

Nabi tobatú inta kon sigad in nabi mita tatua, inta ki Zedekia ki adí i Kenaana, nomia kon tungoi mita nongkon uatoi bo noguman kon i Ahab, “Naabí inta pinoguman i Tuhan, ‘Takin tungoi mita ná tanaa ki tuang datu in momongkug kon Siria bo morimumud kon i monia.’ ”

MAZMUR 92:10

Kinotaauan nami in musung-Mu in yompatonbí, o Tuhan, bayongan in intau moraat in poraritonbí.

PINOGIAPAN 24:8

Ki Allah inta nodia kon i monia iḻumuai nongkon Mesir, naonda bo bantong kaḻig Sia in moparang motuḷung kon i monia. Bangusa mita in musung modaitbí ḻiomon-Nea, tuḷan mita monia in toko ropúon-Nea, bo piot mita monia in putoḷon-Nea.

KINOBAḺIAN 48:19

Táe ki amánea noguman, “Kinotaauankubí uḻeku, kinotaauankubí. Ki Manasye in mobaḻí moḷoben in kawasanea bo buínea in mobaḻíbí doman bangusa inta moḷoben. Táe kawasabí i ai-ainea in moḷobe-ḷoben nongkon kawasanea, bo buí i ai-ainea in mobaḻí bangusa mita inta moḷoben.”

HOSEA 7:1

Ki Tuhan in noguman, “Pomuḷoi in Akuoi moibog monompia kon umat-Ku Israel bo mopoyobui in kaadaan monia, inta ontongon-Ku in tongábí aid moraat bo dosa monia. Mosia in mosiakaḷan, tumuot in mosia kon baḷoi in intau bo monakow, bo mosia in mogagow kon daḷan mita.

HOSEA 6:4

Táe ki Tuhan in noguman, “Ei Israel bo Yohuda! Onu in musti aidan-Ku kon i monimu? Tabimu kon i-Nakó in motoyongbí moinggamá naonda bo topuot andeka oḷú doḷo-doḷom.

HOSEA 5:3

Kinotaauan-Ku in bayongan yagi-yagi soaḷ iko, ei Israel! Diábí in motaau bunionmu kon i-Nakó. Iko in nosumba kon berhala bo diádon motoindudui kon i-Nakó. Tuamai, intaumu mita in diá bidon patus mosumba kon i-Nakó.”

YESAYA 34:7

Intau mita in matoibí naonda bo sapi kaḻig bo sapi batánea. Ḻipú monia in mopuradon in dugú bo mopuḻing in ḷongó.

MAZMUR 29:6

Buḷud in Libanon binaḻí-Nea iḷumansik naonda bo ki adí in sapi, Buḷud in Siryon iḷumanduk naonda bo ki adí in bantong.

MAZMUR 22:21

Posídon in nyawaku kon kedang, posaḷamatdon in akuoi nongkon ungkú mita inta moranut.

TAWARIKH 2 18:10

Tobatú kon sigad in nabi mita tatua, inta tangoinea in ki Zedekia ki adí i Kenaana, nomia kon tungoinea mita uatoi bo noguman kon i Ahab, “Naa inta pinoguman i Tuhan, ‘Pinongin tungoi mita ná tanaa ki Tuang datu in monanut kon Siria bo morimumud kon i monia.’ ”

TAWARIKH 1 5:1

Ki Ruben naa in adí guya-guyang i Yakub. Táe popisí in ki Ruben naa in ain nopoonagmai kon kahoromatan in pahang tobatú i amánea, dá haknea saḷaku adí guya-guyang in ginamádon nongkon inia bo inogoi kon i Yusup. Umpaka natua táe inta totok in moropot kon sigad in buí Yakub in deemanbí suku i Yusup táe sukubí i Yohuda. Nodapot inta muna-munamai totok nobaḻí datu kon bayongan umat in Israel in nongkon sukubí i Yohuda tua.

PINOGIAPAN 26:37

Kobayong in ḷoḷaki mita kon inanakan tatua in 32.500. Tuata in inanakan mita buí i Yusup.

PINOGIAPAN 26:34

Kobayong in ḷoḷaki nongkon inanakan mita tatua in 52.700.

SAMUEL 1 2:1

Bo nosambayang in ki Hana, kainia, “Ki Tuhan in nopoḷungangadon kon ginaku; oaidan-Nea in nokosanangdon kon ginaku. Takin pia in gina singkuḻeonku in musungku, sin totu-totuudon kon ki Allah in notuḷungdon kon inakó.

MAZMUR 60:7

Posaḷamatdon in kami in kawasa-Mu, tubagaidon in sambayang nami, sinbá intau mita inta kinotabi-Mu in posaḷamaton.

YEHEZKIEL 34:21

Moiko in nogundud poḷat nondangat kon domba inta notakit nodapot in moitondí in mosia nongkon paanan in domba.

DANIEL 8:4

Inontongku in domba koḷakian tatua nonungoi ná dotá in toyopan, utuan bo toḷatan. Diá tobatúmai in mahaḷuk in mokotahang tumayow kon inia andeka mokoḷagui nongkon kawasanea. Sia in mogaid kon onukabí in koibognea bo nobaḻí moḷoḷatú.

YOSUA 17:14

Buí i Yusup in noguman kon i Yosua, “Nongonu sin kami in tongábí inogoian in tongosilai in butá, bokaka kami naa in totuubí moantó, sin ki Tuhan ain nomarakat kon inami?”

YOSUA 17:18

Gamádon in butá inta kon buḷud, sin umpaka butá tatua kayuonpa, motaaubí inginon monimu intua bo baḻíon kapunyaan monimu komintan. Bo soaḷ intau mita in Kanaan tatua, kountunanbí monimu in mosia, umpakabí in mosia moropot bo kokereta mita in parang inta pinomia nongkon uatoi.”

TAWARIKH 1 5:23

Tongosilai in suku Manasye in nogutun kon butá in Basan nodapot kon utuan kino ouput in Baal-Hermon, Senir bo Buḷud in Hermon. Koonggot-koonggot kobayong-kobayong in mosia.