ULANGAN 33:11 - Alkitab Singog In Mongondow Masa In Tanaa

¹¹ O Tuhan, tuḷungaipa in suku tanaa sinbá moropot, igumon mako Iko in moibog kon oaidan monia. Yopúdon in bayongan musung monia dá diádon mokosindog bui.”

ULANGAN 33:11 Referans Kwoze

YEHEZKIEL 43:27

Naonda in mopaḷut in pitu nosinggai tatua, imang mita in musti momangkoidon moposumba kon tudu in mezbah tatua in kuruban payongon bo kuruban podamean kon umat. Dá mopiadon in gina-Ku kon i monimu komintan. Akuoi, ki Tuhan Inta Totok in moḷantud ain nosingog.”

SAMUEL 2 24:23

Ki Arauna nobogoi in bayongan tua kon i datu, poḷat noguman, “Igumon mako ki Tuhan Allah i Tuang datu in moibog motarima kon sosumba i Tuang datu.”

TESALONIKA 1 4:8

Tuamai ki ine in doí motarima kon singogku, yo deemanbí intau in bayowannea, táe ki Allahbí inta ain nobogoi in Roho-Nea mokudus kon i monimu in bayowannea.

LUKAS 10:16

Bo ki Yesus in noguman kon murí-Nea mita, “Ki ine in moibog mokidongog kon i monimu, yo mosia tua i mokidongog doman kon i-Nakó. Táe ki ine in doí motarima kon i monimu, yo sia in doí doman motarima kon i-Nakó. Bo ki ine in doí motarima kon i-Nakó, yo sia in doí doman motarima kon i-Nia inta nopotabá kon i-Nakó.”

AMOS 5:10

Moiko in doí kon intau inta monayow kon inta diá moadil bo inta mosingog kon totuu kon bonu in pongadilan.

YEREMIA 15:10

Totuu mosoe in akuoi naa! Onubí in mangaḻe in pinononggadían i ináku kon inakó? Akuoi in mustibí morogenggeng takin bayongan in intau. Umpakabí diá kon dodai in onda in akuoi mopoḷuan andeka moḷuan, táe akuoi in inodi-odian in bayongan intau.

YESAYA 29:21

intau inta moibog moponapud in uboḷ, intau inta moḷamboi kon intau moraat in hukumon, bo intau inta mongonguman magí mako kon ouman uboḷ sinbá intau motuḻid diá mokouḻí kon inta moadil.

MAZMUR 20:3

Igumon mako potabá-Nea mangoi in mototuḷung nongkon Baḷoi-Nea, bo motuḷung nongkon Tombuḷud in Sion.

ULANGAN 33:10

Mosia notundú kon umat-Mu dinumudui kon bayongan in parenta-Mu bo noposumba in kuruban kon tudu in mezbah-Mu.

ULANGAN 33:12

Bo kon suku i Benyamin sia noguman: “Naadon in suku inta kinotabi i Tuhan. Sia nogoḻiung kon i monia singgai bo doḷom bo nogutun kon sigad monia.”

YEREMIA 17:18

Igumon mako intau inta nogaḷow bo nondorot kon inakó, pokopooyáan-Mumai bo poangoian-Mu in ondok. Táe dikabí intua poaid kon inakó, o Tuhan. Poangoidon in bodito kon i monia modapot in mosia morimumud moputú.