ULANGAN 33:10 - Alkitab Singog In Mongondow Masa In Tanaa

¹⁰ Mosia notundú kon umat-Mu dinumudui kon bayongan in parenta-Mu bo noposumba in kuruban kon tudu in mezbah-Mu.

ULANGAN 33:10 Referans Kwoze

MAZMUR 51:19

Kuruban kon i Allah in ginabí inta norimumud, gina inta motoindudui bo notobat diábí inindoí-Mu.

IMAMAT 10:11

Bayongan hukum inta inogoi-Ku kon inimu pinongin i Musa, musti motaau tundúon monimu kon bangusa Israel.”

YEHEZKIEL 43:27

Naonda in mopaḷut in pitu nosinggai tatua, imang mita in musti momangkoidon moposumba kon tudu in mezbah tatua in kuruban payongon bo kuruban podamean kon umat. Dá mopiadon in gina-Ku kon i monimu komintan. Akuoi, ki Tuhan Inta Totok in moḷantud ain nosingog.”

SAMUEL 1 2:28

Nongkon bayongan suku in Israel ain piniḻí-Ku in motoḷuadínea nobaḻí imang-Ku, sin mopobayá in oaidan kon mezbah, motubá kon dupa, bo mogiḷambung in ḷambung epod aka moyosingog takin-Ku. Bo kon i monia takin buí monia aindon inogoian-Ku in hak mogamá kon tongosilai nongkon kuruban sosumba inta sinubá kon mezbah.

IBRANI 9:24

Sin ki Kristus in diábí sinumuot kon Yuang Motusi inta pinomia in intau, inta nobaḻí lambang in yuang Motusi inta totokea. Ki Kristusbí tontaní in sinumuot kon soroga; tanaa Sia in minayá kon tayowon i Allah sin lantaran kopontingan naton.

IBRANI 7:25

Manangka intua ki Yesus in umuranbí motaau moposaḷamat kon intau mita inta namangoi kon i Allah inta mongin i-Nia. Sin Sia in nobiag mononoi bo umuran mopoyaput in mintahang kon i Allah sin kopontingan intau mita tatua.

HOSEA 4:6

Moiko, imang mita, diá mopandungmai kon i-Nakó, dá umat-Ku in diá domandon mopandungmai kon i-Nakó dá nobodito in mosia. Moiko in nondoí kon totundú-Ku mita. Dá, Akuoi in mondoí doman kon i monimu, bo ki adímu mita in diá doman akúon-Ku saḷaku imang-Ku mita.

NEHEMIA 8:18

Pitu nosinggai koonggotnea in mosia norame. Pomuḷoi in singgai tongonumai nosilai in buk Hukum i Allah in bacaanmai i Ezra. Kon singgai inwaḷunea inaidandon in upacara pinomaḷutan, podudui in atorang in Hukum.

TAWARIKH 2 30:22

Intau mita in Lewi tatua mongopandoi modia kon ibada kon i Tuhan, dá pinuji i Hizkia in mosia. Naonda in pitu nosinggai in koonggotnea mosia nongaan kon kaanon kon pinoramean tatua bo poḷat noposumba in kuruban sin mopoyaput in sukur kon i Tuhan, Allah in mogoguyang monia,

TAWARIKH 2 26:18

sin moḷawang kon aidnea tatua. Mosia in noguman, “Tuang Inta Momulia! Ki Tuang in diábí in hak motubá kon dupa kon i Tuhan. Tua in oaidanbí in imang mita buí i Harun, sin mosiabí inta ain sinantú kon mogaid kon tua. Ḷuaidon in ki Tuang nongkon tampat inta motusi tanaa! Ki Tuang ain noḷawang kon i Tuhan Allah bo diádon kinoibog-Nea.”

ULANGAN 24:8

Aka oyúon takit in kuḻit inta mokobahaya, yo aidaidon kopira in onu inta pinarenta in imang mita Lewi kon inimu; duduiaidon in topotundú mita inta pinotaauku kon i monia.

PINOGIAPAN 16:46

bo ki Musa noguman kon i Harun, “Gamápa in tampat in tuḷúmu, bonuaidon in baga in tuḷú nongkon mezbah bo tududon in dupa tatua. Ḷagidon diá intua kon umat bo pomiadon kon upacara pongampungan kon dosa kon i monia. Koḻikat! Torú i Tuhan moḷobendon totok bo yampoi momangkoidon.”

PINOGIAPAN 16:40

Tua in nobaḻí tompoingat kon bangusa Israel kon koḻikud in buí i Harun, diábí in tobatúmai in intau motaau mamangoi kon mezbah i Tuhan sin motubá kon dupa posumba kon i Tuhan. Intau inta ḻimimpat kon atorang tatua in yopúonbí ná ki Korah bo dumoduduinea mita. Bayongan tua inaidan pinodudui kon ná inta pinarenta i Tuhan kon i Eleazar pinongin i Musa.

IMAMAT 1:17

Onda intua koḻikip in ḷagapan tatua musti yabion táe dika dapot in moyotontaní in awaknea. Bo ḷagapan tatua musti tubáan kon tudu in mezbah. Rongingi in kuruban sinubá tatua mokosanang kon gina i Tuhan.

IMAMAT 1:13

Bo intau tatua musti mondarit kon bonu in sian bo páa in biag tatua. Onda intua imang musti moposumba intua komintan kon i Tuhan, bo tubáannea kon tudu in mezbah. Rongingi in kuruban tatua mokosanang kon gina i Tuhan.

IMAMAT 1:9

Bo intau tatua musti mondarit kon bonu in sian takin paa in sapi tatua, bo imang inta mogaid kon oaidan tatua musti motubá kon tua mita. Rongingi in kuruban sinubá tatua mokosanang kon gina i Tuhan.

IMAMAT 16:12

musti in sia mogamá kon tampat in tuḷú nongkon mezbah bo bonuannea in baga in tuḷú kopuḻingon bo doyowa noyangkom in dupa moaḷus, bodongka diaannea tumuot kon Yuang Totok Motusi.

IMAMAT 16:13

Dupa tatua musti tubáannea kon tayowon in Poti Dodandian, sahingga poyoknea moikoḷubung kon taḷob in poti tatua bo diádon ontongon i Harun, sin aka ontongonnea, yo matoi in sia.

ULANGAN 33:11

O Tuhan, tuḷungaipa in suku tanaa sinbá moropot, igumon mako Iko in moibog kon oaidan monia. Yopúdon in bayongan musung monia dá diádon mokosindog bui.”

EZRA 7:10

Ki Ezra in totokdon in nonaridi kon Hukum i Tuhan, sin aidan bo motundú kon bayongan in inta sinantú bo atorangnea kon bangusa in Israel.

ULANGAN 27:14

Intau mita in Lewi musti mosingog kon tosingogon mita tanaa koḷangonon bo Intau in Israel musti motubag, ‘Amin’.

HAGAI 2:11

Kai-Nia, “Poigumdon kon bontow in tosingogon kon imang mita kon soaḷ tanaa:

HAGAI 2:12

Aka kuma bo oyúon in intau in nogamá kon tobonsig in ponoyá kuruban inta pinosumba kon i Tuhan, bodongka dinianea nobui bo binakut in jubahnea, bo onda intua kopake-paké doman in jubah tatua sia in noḻiai kon roti andeka inta dinungú, andeka anggur, andeka ḷana zaitun, andeka kaanon onukadon, yo degá tua komintan mobaḻí doman motusi?” Naonda in iḻibó i Hagai intua, imang mita in notubag, “Diá.”