ULANGAN 32:50 - Alkitab Singog In Mongondow Masa In Tanaa

⁵⁰ Iko in matoidon kon buḷud tatua, ná ki utatmu ki Harun minatoi kon Buḷud in Hor.

ULANGAN 32:50 Referans Kwoze

PINOGIAPAN 33:38

Podudui in parenta i Tuhan, ki Imang Harun notakod kon Buḷud in Hor. Kon tua minatoi in sia kon singgai imitánea buḷan noginḻima kon taong noginggopat nopuḷú naonda in umat Israel nonaḷámai kon Mesir. Umur i Harun kon dodai in minatoi in 123 notaong.

DANIEL 12:13

Iko Daniel, kotoinduduidon modapot in kopaḷutannea. Iko in matoibí, táe mobiagbí bui sin motarima kon tondan in pinogaidanmu kon singgai tumi.”

KINOBAḺIAN 49:33

Naonda in ki Yakub nopaḷut nobogoi in koyow kon i adínea mita, inumuḻidon in sia bodongka minatoi.

KINOBAḺIAN 25:17

Ki Ismael in minatoi kon tungkuḷ in umurdon mogatut bo toḷu nopuḷú bopitu notaong.

KINOBAḺIAN 15:15

Iko tontaní moumur in kobiaganmu, bo matoi takin pia in gina, bo ḷobongon.

ULANGAN 31:14

Onda intua ki Tuhan noguman kon i Musa, “Kobiaganmu in diádon moonggot. Dá, oinídon in ki Yosua bo diádon in sia kon Ḷoḷaigan-Ku, sinbá Akuoi in motaaudon mobogoi in topotundú mita kon inia.” Dá minayádon in ki Musa bo ki Yosua kon Ḷoḷaigan i Tuhan,

ULANGAN 34:5

Bo minatoidon in ki Musa inta mogogundoi i Tuhan tua kon butá in Moab, ná inta munadon pinoguman i Tuhan.

PINOGIAPAN 32:38

Nebo, Baal Meon, bo Sebam. Kotá mita inta pinosindog bui monia tua binaḷuiandon monia in tangoinea.

ULANGAN 31:16

Guman i Tuhan kon i Musa, “Kopatoianmu in motoyongdon. Naonda in iko matoi, bangusa Israel in diádon mosatia kon i-Nakó bo monoḻikudon kon dodandian inta pinomia-Ku takin i monia. Mosia in monaḷámaidon kon i-Nakó sin mayá mosumba kon ilah mita inta sinumba kon butá inta diádon moonggot tuotan monia.