ULANGAN 31:7 - Alkitab Singog In Mongondow Masa In Tanaa

⁷ Bo ki Musa nogoiní kon i Yosua, bo kon tayowon in bayongan bangusa Israel sia noguman kon inia, “Korigon in gina bo kobarani, Yosua! Ikodon in modia kon bangusa tanaa mayá ḻimitú kon butá inta pinodandi i Tuhan kon mogoguyang monia.

ULANGAN 31:7 Referans Kwoze

ULANGAN 3:28

Ogoiaidon in topotundú mita in ki Yosua. Iyotonaidon in ginanea, sin siadon in modia kon bangusa tatua mayá in ḷoḷan sin ḻimitú kon butá inta inontongmu tatua.’

ULANGAN 31:6

Moiko in musti morigon in gina bo mobarani! Dika moondok kon i monia, sin ki Tuhan Allahmu tontaní inta motuḷung kon i monimu. Diábí pokuyangon-Nea in gina ande monaḷámai kon i monimu.”

ULANGAN 1:38

Táe irigonai in gina in bobantungmu, ki Yosua adí i Nun. Sia tuata in modia kon intau in Israel mogagow kon butá tatua.’

EPESUS 6:10

Naa in singogku pangabisan, paké in ropot inta nouḻí monimu nongkon kawasa i Tuhan, sin moiko in notobatúdon takin-Nea.

YOSUA 1:6

Pokoyakin bo pokobarani in iko, sin ikobí in modia kon bangusa tanaa kon tungkuḷ in mosia ḻimitú kon butá inta pinodandi-Ku kon mogoguyang monia.

DANIEL 10:19

Sia in noguman, “Ki Allah in notabi kon inimu, tuamai dikadon moḻia-ḻiaw in gina andeka moondok, yo, koropotdon!” Kon dodai in sia noguman natua, kinorasaanku kon nodugangdon bui in ropotku bo noguman, “Posingogdon, Tuangku. Ki Tuang in nodugangdon kon ropotku.”

ULANGAN 31:23

Onda intua ki Tuhan noguman kon i Yosua, adí i Nun, kai-Nia, “Korigon in gina bo kobarani in iko, Yosua! Iko in modia kon bangusa Israel tumuot kon butá inta pinodandi-Ku kon i monia, bo akuoi in motuḷung kon i monia.”

ULANGAN 31:3

Ki Tuhan Allahmu tontaní in mayá kon munamu bo moyopú kon bangusa mita inta nogutun kon tua, dá moiko in mokoḻitúdon kon butá monia. Ki Yosua in mobaḻí itoimu, ná inta pinoguman i Tuhan.

YOHANES 1:17

Hukum i Tuhan sinarima naton nongkon i Musa. Táe tabi bo kososatia i Allah in pinoniatadon kon i Yesus Kristus.

PINOGIAPAN 27:19

Pokisindogaidon in sia kon tayowon i Imang Eleazar bo bayongan umat. Bo kon tayowon monia komintan iko in musti mopotaau kon ki Yosua tua in toḻiumu.

ULANGAN 11:8

“Duduiaidon in bayongan hukum inta pinotaauku kon inimu singgai in naa, dá moiko in motaaudon ḷumoḷan kon ongkag bo tumuot kon butá inta diádon moonggot pogutunan monimu.

YOSUA 1:5

Tobatúmai in intau diábí in mokotaḷow kon inimu, Yosua, kinoouputbí in kinobiaganmu. Sin umuran-Kubí takinan in iko ná ki Musa koḻipod. Diábí in Akuoi monaḷámai kon inimu.

DATU MITA IMITÁNEA 2:2

“Wakutukudon matoi in naa. Pokoyakin bo pokobarani in iko.

PINOGIAPAN 13:20

Korigon in ginamu. Indoiai mongo mopia in butánea bo nobayong pangkoi in kayu kon tua. Dika mokoḻiong modia kon topiḻikmai in bungai in ayop inta nobiag kon tua.” Kon dodai intua pinomangkoiandon pinomungaian in anggur.

ULANGAN 1:8

Akuoi, ki Tuhan, aindon nopodandi in bayongan butá tatua kon mogoguyang monimu ki Abraham, ki Ishak bo ki Yakub takin bayongan buí monia. Dá bayádon ḻitúai in butá tatua.’ ”

ULANGAN 31:21

Bo mobayong in bodito motoyang in moiuma kon i monia. Táe dondong tanaa umuranbí podondong bo pakéon mobaḻí tomponiata kon i monia. Modapot in tanaa kon dodai in mosia diápa diaan-Ku kon butá inta pinodandi-Ku, kinotaauan-Kubí in raian monia.”

SAMUEL 2 10:12

Mokoporoton kon gina! Koḻigai kita mokopobarani in moḷongasi sin kopontingan in bangusa naton bo kopontingan in kotá mita i Allah naton. Igumon mako ki Allah in mogaid kon onu in koibog-Nea.”

TAWARIKH 1 22:13

Aka iko dumudui kon bayongan in hukum inta inogoi Tuhan kon i Musa kon bangusa in Israel, yo iko in mokodapotbí kon onu inta nobaḻí niat. Iko in mustibí moyakin bo mobarani. Dika moondok in moyogintayow in onukabí.