Biblia Todo Logo
Bib sou entènèt

- Piblisite -




ULANGAN 31:3 - Alkitab Singog In Mongondow Masa In Tanaa

3 Ki Tuhan Allahmu tontaní in mayá kon munamu bo moyopú kon bangusa mita inta nogutun kon tua, dá moiko in mokoḻitúdon kon butá monia. Ki Yosua in mobaḻí itoimu, ná inta pinoguman i Tuhan.

Gade chapit la Kopi




ULANGAN 31:3
19 Referans Kwoze  

Táe tanaa, ontongonbí monimu tontaní naonda in ki Tuhan Allahmu mayá kon muna monimu naonda bo tuḷú inta mokopokak. Sia in monaḷowbí kon i monia kon tayowonmu, dá kountunan bo koyopúanbí monimu in mosia motoyong ná inta pinodandi i Tuhan.


Kon singgai tatua ki Tuhan nomia kon soaḷ mita inta nopobaḻí kon bangusa Israel mohoromat kon i Yosua nobaḻí intau moḷoben. Kinoouput in kobiagannea mosia mohoromat kon inia ná pinohohoromat monia kon i Musa.


Guman-Nea, “Mogogundoi-Ku ki Musa minatoidon. Dá tanaa iko takin bayongan in umat Israel posadiadon ḷumoḷan kon Ongkag in Yordan, bo mayá tumuot kon butá inta ogoi-Ku kon i monia.


Onda intua ki Tuhan noguman kon i Yosua, adí i Nun, kai-Nia, “Korigon in gina bo kobarani in iko, Yosua! Iko in modia kon bangusa Israel tumuot kon butá inta pinodandi-Ku kon i monia, bo akuoi in motuḷung kon i monia.”


Ogoiaidon in topotundú mita in ki Yosua. Iyotonaidon in ginanea, sin siadon in modia kon bangusa tatua mayá in ḷoḷan sin ḻimitú kon butá inta inontongmu tatua.’


Aka kuma bo inogoidon i Yosua in tampat pinogogaian inta pinodandi i Allah tua, yo tantú diá bidon in ki Allah noguman bui kon soaḷ singgai ibanea nion.


Kon singgai noiduduimai tampat tatua dinia in mogoguyang naton kon wakutu in mosia kotaki-takin i Yosua minayá nogagow kon butá naton naa nongkon kawasa in bangusa mita inta sinokountun i Allah kon tayowonmai monia. Ḷoḷaigan tatua nonahang kon tua nodapot in kon sempo i Daud.


Ki Tuhan noguman kon i Yosua, “Pinangkoi kon singgai in naa iko baḻíon-Kudon intau moḷoben dá bayongan intau in Israel mohoromatdon kon inimu bo kotaauandon monia kon Akuoi in kotaki-takinmu ná doman Akuoi nonakin kon i Musa.


Ki Tuhan in nobogoi kon i Yosua ki adí i Nun in kabijaksanaan sin sia in piniḻídon i Musa monoḻiu kon inia. Bangusa Israel motoindudui kon i Yosua bo nopobayá in parenta mita inta inogoi i Tuhan kon i monia pinongin i Musa.


Onda intua ki Tuhan noguman kon i Musa, “Kobiaganmu in diádon moonggot. Dá, oinídon in ki Yosua bo diádon in sia kon Ḷoḷaigan-Ku, sinbá Akuoi in motaaudon mobogoi in topotundú mita kon inia.” Dá minayádon in ki Musa bo ki Yosua kon Ḷoḷaigan i Tuhan,


Bo ki Yakub nogumandon kon i Yusup, “Ná inta inontongmu tanaa, wakutuku matoi nodiugdon, táe ki Allah in motuḷungbí kon i monimu bo modia bui kon i monimu mayá in butá in mogoguyangmu.


Ki Tuhan in moyopúbí kon bangusa mita tatua ná doman pinononaḷow-Nea kon i Sihon, bo kon i Og, datu in intau Amori, bo norimumud kon butá monia.


Ki Tuhan Allah in modiabí kon i monimu bo moposaḷamat kon i monimu ná inta ain inontong monimu tontaní kon Mesir


“Ki Tuhan Allahmu in modiabí kon i monimu mayá in butá inta bain pogutunan monimu, bo mobayongbí in bangusa inta poguntunon-Nea nongkon tua. Koonto-ontongmubí in Sia moguntun kon pitu in bangusa inta moḷobe-ḷoben bo moropo-ropot nongkon i monimu, tuata in intau mita in Het, Girgasi, Amori, Kanaan, Peris, Hewi bo Yebus.


Bayongan inta pinarenta i Tuhan kon i Musa, mogogundoinea, aindon pinoguman i Musa kon i Yosua, bo inaidan doman i Yosua; diábí in tobatúmai in diá inaidannea.


Swiv nou:

Piblisite


Piblisite