Biblia Todo Logo
Bib sou entènèt

- Piblisite -




ULANGAN 31:12 - Alkitab Singog In Mongondow Masa In Tanaa

12 Potabádon in bayongan intau ḷoḷaki, bobay bo mongoadí mita takin intau ango-angoi inta nogutun kon kotámu mita moyosipun sin mokidongog kon pobacaan tatua, sinbá mosia mobalajar mohoromat kon i Tuhan Allahmu poḷat mosatia in dumudui kon parenta-Nea mita.

Gade chapit la Kopi




ULANGAN 31:12
14 Referans Kwoze  

soaḷ singgai tatua, kon tungkuḷ in moiko sinimindog kon tayowon i Tuhan Allahmu kon Buḷud in Sinai. Kon dodai intua Sia in noguman kon inakó, ‘Sipundon in bangusa tatua. Ibogon-Ku in mosia mokidongog kon onu in poguman-Ku, sinbá mosia in mobalajar motoindudui kon i-Nakó kinoouput in kinobiagan monia, bo bá mosia motundú kon i adí mita monia sinbá motoindudui kon i-Nakó.’


Koyogot in ki Ezra nosambayang koomba-ombaḷ bo nongaku kon dosa kon tayowon in Baḷoi Tuhan, nobayong totok in intau in Israel in namangoi noyosipun, pinomayá ḷoḷaki andeka bobay bo adí mita. Mosia in iḻimibu kon inia poḷat doman nongombaḷ inimibo-ibogbí.


Moiko in mobalajar kon Buk Motusi sin kon bonu in raian monimu, aka natua yo mokouḻí kon kobiagan mopia bo mononoi. Bo umpakabí Buk Motusi tatua tontaní ain nobogoi in kosakusian soaḷ Akuoi.


Tongonu nopasaḷ in binuni i Tuhan Allah naton; táe hukum-Nea in pinoniata-Nea kon i naton, bo kita takin buí naton in musti umuran dumudui modapot in adí bo ompu.”


Pongin aid natua yo ki adímu mita inta diápa dodai in onda in nokodongog kon hukum i Tuhan Allahmu in mokodongogdon bo mobalajar mohoromat kon i Tuhan kon bonu in mosia mobiag kon butá inta diádon moonggot bo ḻitúan monimu kon ḷoḷan in Ongkag in Yordan.”


Bayongan in parenta i Musa binaca i Yosua kon bayongan umat in Israel inta noyosipun kon tua, noitakin doman in bobay mita, adí mita, bo intau mita ango-angoi inta nogutun kon sigad monia.


Onda intua ki Zerubabel bo ki Yosua takin bayongan umat in Israel inta ain nobui kon pinoḷumbúan kon Babel, in dinumudui kon tosingogon mita i Hagai, totabá i Tuhan tua. Mosia in nogaid kon onu inta pinarenta i Tuhan kon i monia, popisí in moondok kon i Tuhan.


Bayongan inta pinongoyow i Musa dinia monia kon tayowon in Ḷoḷaigan, bo bayongan umat noyosipun kon tua sin moibada kon i Tuhan.


Dá moiko in musti mokoposatia in dumudui kon bayongan dodandian tanaa, sinbá moiko mokouḻí kon bayongan inta sinayakmu.


Intau mita in Israel, takin itoi mita, porwira mita, hakim mita, bo intau mita ango-angoi inta nogutun kon sigad monia, sinimindog kon posiḷosi in Poti Dodandian i Tuhan sinumayow kon imang mita in Lewi inta nomotaan kon Poti Dodandian tatua. Tongobotak nongkon intau mita tatua sinumayow kon Buḷud in Gerizim, bo inta kiagatnea in sinumayow kon Buḷud in Ebal. Ki Musa, mogogundoi i Tuhan tua, ain nomarenta sinbá mosia momia kon tua aka moiangoidon in wakutunea mosia motarima kon barakat inta pinodandi i Tuhan.


Swiv nou:

Piblisite


Piblisite