ULANGAN 30:8 - Alkitab Singog In Mongondow Masa In Tanaa

⁸ Moiko in buidon motoindudui kon i Tuhan bo mopobayádon in bayongan parenta-Nea inta pinotaauku kon inimu singgai naa.

ULANGAN 30:8 Referans Kwoze

EPESUS 2:16

Ki Kristus in minatoi sin mopotobatú kon bangusa doyowa tatua, bo mopoyodame doman kon i monia takin i Allah, sahingga moinggamádon in sosaturuan tatua.

YEHEZKIEL 36:27

Roho-Ku in popogonú-Ku kon bonu in ginamu bo ḷukadan-Ku in moiko sinbá mobiag podudui in hukum-Ku mita poḷat motoindudui kon bayongan in parenta-Ku.

PILIPI 2:13

Sin ki Allahbí in mopogonú kon ginamu sinbá moibog bo mokosanggup moposanang in gina i Allah in moiko.

YEHEZKIEL 37:24

Mosia in tobatúondon kon datu tobatú ná ki Daud inta momarenta modapot in mononoi. Takin toḷutui mosia in dumudui kon hukum-Ku mita. Bo modapot in mononoi mosia takin buí monia in mogutun kon butá tatua, butá inta inogoi-Ku kon i Yakub bo pinogutunan in mogoguyang monia.

YEREMIA 31:33

Naa in dodandian mobagu inta bain pomiaan-Ku takin umat in Israel: Hukum-Ku mita in tagúon-Ku kon bonu in gina monia, bo paison-Ku kon gina monia. Akuoi in mobaḻí Allah monia, bo mosia in mobaḻí umat-Ku.

ULANGAN 30:2

Aka moiko bo buímu moibog mobui kon i Tuhan Allahmu, bo takin ḻimbatú in gina dumudui kon parenta-Nea mita inta pinotaauku kon inimu singgai naa,

AMSAL 16:1

Intau in motaaubí in momia kon tomayá, táe ki Allahbí in monantú.

ULANGAN 30:7

Bayongan in kutuk tatua in popoḷabú-Neadon kon musungmu mita inta mondoí bo mondorot kon i monimu.

ULANGAN 30:9

Ki Tuhan Allahmu in mopobaḻídon in bayongan totayakmu motarima kon bungainea; moiko in mokouḻídon kon adí mobayong bo bobiagon mobayong; gobámu mita in mobogoibí in bungai in boyó inta mobayong totok. Ki Tuhan takin pia in gina-Nea mobogoibí in kobiagan motompia kon i monimu, ná doman pia in gina-Nea mobogoi in kobiagan motompia kon mogoguyangmu.

YEREMIA 36:3

Dika-dika bo intau in Yohuda mogogai in mogaid kon inta moraat aka mokodongog in mosia kon bayongan in bodito inta bain popouma-Ku kon i monia. Dá ampungan-Kubí in dosa bo aid moraat monia.”