ULANGAN 30:16 - Alkitab Singog In Mongondow Masa In Tanaa

¹⁶ Singgai naa akuoi momarenta kon i monimu sinbá motabidon kon i Tuhan Allahmu bo motoindudui kon i-Nia poḷat mogaid kon bayongan in parenta-Nea sinbá moiko in mobiag motompia bo mobaḻí bangusa inta moḷoben. Ki Tuhan Allahmu in momarakatbí kon i monimu kon butá inta diádon moonggot in ḻitúan monimu.

ULANGAN 30:16 Referans Kwoze

ULANGAN 30:6

Moiko bo buímu in ogoiandon in gina inta motoindudui, dá moiko in motabidon kon i Tuhan Allahmu takin ḻimbatú in ginamu sinbá umurandon mogutun kon butá tatua.

YOHANES 14:21

Intau inta notarima kon parenta-Ku mita bo nopoaid, sia tuata inta motabi kon i-Nakó. Bo Akuoi in motabibí doman kon intau tatua bo mokipogontongbí kon inia.”

ULANGAN 6:5

Kotabibí in ki Tuhan Allahmu takin bayongan ginamu: Poniata intua kon bonu in kobiaganmu bo oaidmu.

KORINTUS 1 7:19

Sin sinunat andeka diá, diábí moponting intua. Dumuduibí kon atorang mita i Allah in moponting.

ULANGAN 4:1

Bo ki Musa noguman kon bangusa tatua, “Duduiaidon komintan in hukum inta tundúonku kon inimu, sinbá mobiag in moiko bo moiutun kon butá inta bain ogoi i Tuhan, Allah in mogoguyangmu, kon inimu.

ULANGAN 30:17

Táe aka moiko bo diá motoindudui bo doí doman mokidongog, bo mopomayá doman mako in awakmu poḷaḻeon sin mosumba kon ilah mita ibanea,

ULANGAN 30:19

Tanaa in motaau bidon moiko momiḻí mongo mobiag ande matoi, barakat i Tuhan ande kutuk-Nea. Ḷangit bo butá oiníonku mobaḻí sakusi kon simpod in tosingogonmu. Piḻídon in mobiag.

DATU MITA IMITÁNEA 3:3

Ki Salomo in motabi kon i Tuhan bo dinumudui kon topotundú mita i amánea, táe umuranpa in sia noratá bo noposumba in biag kon bayongan tampat.

AMSAL 3:1

Dika koḻiongan onu inta ain sinundúku kon inimu, adíku. Umuran torop in parentaku,

YESAYA 1:19

Aka moiko moibog motoindudui kon i-Nakó, moiko in motarimabí kon bayongan inta mopia inta ogoi in butámu.

ULANGAN 5:33

Aidaidon in bayongan inta pinarenta i Tuhan Allahmu kon inimu sinbá moiko mobiag motompia bo umuran mogutun kon butá inta pogutunan monimu.”

ULANGAN 32:47

Topotundú mita tatua in deemanbí tosingogon mita inta diá in mangaḻenea, táe kobiaganmubí. Duduiaidon in bayongan parenta tatua, sinbá moumur in kobiagan monimu kon butá inta diádon moonggot bo ḻitúan monimu kon ḷoḷan in Ongkag in Yordan.”

YOSUA 23:11

Tuamai, in toropbí in motabi kon i Tuhan Allahmu.