ULANGAN 30:13 - Alkitab Singog In Mongondow Masa In Tanaa

¹³ Tampatnea in deemanbí doman kon ḷoḷan in dagat, dá moiko in moḻibó, ‘Ki ine in mayá ḷumoḷan kon dagat sin mogamá kon tua bo pakéon naton, sinbá kodongogan naton bo motaaudon duduian?’

ULANGAN 30:13 Referans Kwoze

OUMAN IN RASUL MITA 16:9

Nodoḷom monag, kon Troas, ki Paulus in nokoontong kon tobatú oontongon. Kon bonu in oontongon tatua sia in nokoontong kon intau in Makedonia tobatú sinimindog kon tayowonneamai bo totok in nopoigum sinbá mosia in mayápa in Makedonia motuḷung kon i monia.

OUMAN IN RASUL MITA 10:33

Tuamai baḷuku pinotabá in intau mayá mogoiní kon i Tuang. Bo namangoi domandon in ki Tuang takin pia in gina. Bo tanaa kami in noyosipundon kon tayowon i Allah sin mokidongog kon bayongan inta pinoki potaau i Allah kon i Tuang poguman kon inami.”

OUMAN IN RASUL MITA 10:22

Dá mosia in notubag, “Kami naa in namangoi sin pinotabá i Kornelius, tobatú itoi in tontara Rum, inta totok mopia bo motoindudui kon i Allah bo ihoromat in bayongan intau in Yahudi. Tobatú malaekat i Allah in namangoi kon inia bo nopotabá mogoiní kon i Tuang sinbá ki Tuang in mamangoi in baḷoinea, saḷaku tubag i Tuhan kon bayongan inta pinoigumnea kon doa. Sia in pinoki indongogan kon onu in poguman i Tuang kon inia.”

YOHANES 6:27

Donaaibí mogaid sinbá mokouḻí kon kaanon inta modai-daitpa bo inta mobongkog. Táe pogaidbí sinbá mokouḻí kon kaanon inta diá mobongkog bo inta mobogoi in kobiagan mononoi. Kaanon tatua in ogoibí i Adí Intau kon i monimu, sin Sia ain ilantik i Allah inta ki Amá.”

MATIUS 12:42

Kon wakutu in Pohakiman, bokí nongkon dotá in Toḷatan mobangon moyotakin in intau masa in naa bo tumakin doman mohukum. Sin bokí tatua in namangoi nongkon popod in dunia sin mokidongog kon totundú i Salomo. Táe kon naa inta sinimindog mako in noiḻiubí kon i Salomo!”

AMSAL 16:6

Intau inta tumoḷutui kon i Allah in ampunganbí; intau inta mopirisaya in moisimparutbí kon bayongan inta moraat.

AMSAL 8:11

Akuoi naa in hikmat, kon ḻimonikan in berlian; diábí motaau poyotongkaion in onuka in koibogmu.

ULANGAN 30:12

Tampatnea in deemanbí kon ḷangit, dá moiko in moḻibó, ‘Ki ine in mamonik mogamá kon tua sin pakéon naton, sinbá kodongogandon naton bo motaaudon duduian?’

ULANGAN 30:14

Dika moḻibó natua, sin parenta tatua nodiugdon kon inimu. Kinotaauandon monimu bo kinohapalan bidon monimu, dá dongka bidon mopoaid.