ULANGAN 3:24 - Alkitab Singog In Mongondow Masa In Tanaa

²⁴ O Tuhan inta Totuu Moḷantud, kinotaauanku kon onu inta pinoontong-Mu kon inakó naa in tongápabí pomangkoian in bayongan oaidan-Mu mita inta moḷoben bo mokoherang. Diábí in toḻindua in Tuhan in kon ḷangit ande kon butá inta ná Iko inta mokoaid kon inta motoyang.

ULANGAN 3:24 Referans Kwoze

IḶUAIAN 15:11

Ilahbí mita kon onda in mokoḻimonik kon ini-Mu, o Tuhan Inta Momulia bo motusi? Ki Ine in mokoaid kon inta mokoherang mita bo oaidan moḷoben ná inaidan i Tuhan?

MAZMUR 71:19

O Allah, kooadil-Mu ná koḷantud in ḷangit; moḷobenbí in oaidan-Mu mita: ki inebí in mokotongkai kon ini-Mu?

ULANGAN 11:2

Toropdon tanaa onu inta kinotaauan monimu soaḷ ki Tuhan nongkon onu inta ain kinoyitakanmu. Adímu mita in diábí nokotaau kon tua. Moikobí inta nokoontong tontaní kon naonda in koagungan i Tuhan Allahmu, ropot-Nea, kawasa-Nea

MAZMUR 86:8

O Tuhan, diábí in ilah in ná Iko, diábí in nokoaid kon ná inta inaidan-Mu.

SAMUEL 2 7:22

Iko in totu-totuubí kon mokawasa, o Tuhan Allah! Tongábí Iko in Allah, diábí in notongkai-Mu. Kinotaauanbí nami intua sin ain pinotaau nongkon tungkuḷpabí intua.

DANIEL 3:29

Tuamai in akuoi in momarenta kon bayongan in intau nongkon bangusa, inanakan andeka bahasa onuka, inta moningkuḻe kon i Allah inta sinumba i Sadrakh, i Mesakh bo i Abednego, yo pongko-pongkóonbí bo baḷoinea in umpagon bo baḻíon bonturungan in apug. Sin diábí in dewa in mokoaid kon onu inta inaidan i Allah tatua.”

YEREMIA 10:6

Ki Tuhan inta momulia, Iko in diábí in popotongkaian, tangoi-Mu in moḷantud bo nopuḻing in kawasa.

YESAYA 40:25

Ki ine in inanggapmu notombatangan i Allah Inta Totok in mokudus? Ki ine i popotongkaianmu kon i-Nia?

MAZMUR 145:6

Mosia in mopotaa-taaubí mako in aid-Mu mita inta motoyang, koḷoḷoben-Mu in pobaḷúku.

MAZMUR 106:2

Ki ine in motaau mopohaba-habar mako in kototorindog i Tuhan, bo mobogoi in dodayow inta patus kon i-Nia?

MAZMUR 89:8

Iko in ihoromat kon yua-yuak in inta motusi mita, kinoondok noiḻiu kon bayongan inta kon ḻibu-Mu mita.

MAZMUR 89:6

Mogogutun mita kon soroga modayow kon aid-Mu mita inta mokoherang, bo mopodondong in kososatia-Mu, Tuhan.

MAZMUR 35:10

Takin ḻimbatú in gina akuoi in moguman, “Tuhan, diábí in motaau popotongkaian kon ini-Mu! Iko in nopoḷuat kon inta moyangkó nongkon i inta moropot, inta nobogá bo nororiga nongkon i inta nondorot kon inia.”

NEHEMIA 9:32

Oo Allah, Allah nami inta moropot! Ki Allah inta moḷoben bo motoyang! Takin satia kinadaian-Mu in bayongan dodandian; dandi-Mu mita inintompodan-Mu bo inaidan-Mu. Pinangkoipa kon datu mita in Asyur nondorot kon inami noidapot in tanaa, nobayong in roriga in kinobayáan nami. Datu mita nami, imang, nabi bo guhanga mita in ḻipú, mogoguyang nami bo rayat, nokorasadon kon roriga mita. Dika koḻiongan in bayongan roriga tatua! Dika inggamáan-Mu kon gina-Mu!

YESAYA 40:18

Dá ki ine in popotongkaianmu kon i Allah? Ki ine in inanggapmu notombatangan-Nea?

MAZMUR 145:3

Sin ki Tuhan in moḷantud bo totok in dinayow, koḷoḷoben-Nea in diábí kodoḷopan.

IḶUAIAN 8:10

Tubag i datu tatua, “Sambayangaidon akuoi in ikoḷom.” Guman i Musa, “Aidankubí onu in poigumon i Tuangku. Dá kotaauandon i Tuangku kon diábí in ki Allah ibanea ná ki Tuhan, ki Allah nami.

IḶUAIAN 9:14

Sin tanaa Akuoi in mopoangoidon bui in bodito inta deemandon tongá kon pogawai mita bo rayat, táe kon inimu domandon, sinbá kotaauanmu kon diábí in mokoḻiu monik kon i-Nakó in kon dunia naa.

ULANGAN 3:23

“Kon dodai intua akuoi nopoigum kon i Tuhan:

ULANGAN 32:3

Akuoi in modayow kon tangoi i Tuhan. Potaaudon in kokokawasa i Allah naton!

TAWARIKH 2 6:14

“Tuhan, Allah in Israel! Kon ḷangit andeka kon butá diábí in ná Iko! Iko in nogintompod kon dandi-Mu bo nopoontong in tabi-Mu kon umat-Mu inta mosatia bo motoindudui takin ḻimbatú in gina kon ini-Mu.

MAZMUR 150:2

Dayowdon in Sia popisí in aid-Nea inta motorindog. Dayowdon in Sia popisí in koḷoḷantud-Nea inta moḷoben.

PINOGIAPAN 23:23

Diábí in totaau in kumaan kon i Yakub diábí in ponggaing in mokomampu monayow kon Israel. Tosingogon in intau soaḷ bangusa tatua, ‘Indoiai in mokoherang inta inaidan i Allah!’