ULANGAN 29:4 - Alkitab Singog In Mongondow Masa In Tanaa

⁴ Táe dapot in tanaa mako diápa inogoi-Nea in moiko momangaḻe kon bayongan inta kinorasaan monimu tatua.

ULANGAN 29:4 Referans Kwoze

EPESUS 4:18

Raian monia tua in nosindipdon. Diábí kinotaauan monia in kobiagan inta inogoi i Allah, sin mosia in beresibí diá nonotaau in onu bo onu soaḷ ki Allah. Natua in mosia sin gina in motogat.

YOHANES 8:43

Nongonu sin diábí komangaḻean monimu in onu in pinoguman-Ku? Popisíbí in moiko diá mokotahang in mokodongog kon totundú-Ku.

AMSAL 20:12

Bongoḷan in pakéon mokidongog bo mata in poindoi, doyowa tua in ki Tuhanbí in nomaḻí.

YESAYA 63:17

O Tuhan, nongonu sin pinomayá-Mubí mako in kami moiḷaḻe? Nongonu sin Iko in mopotogatbí in gina kon inami nodapot in kami in diádon moondok kon ini-Mu? Pobuidon mangoi popisí in mogogundoi-Mu mita, Popisí in umat-Mu, kapunyaan pusaka-Mu.

KORINTUS 2 3:15

Umaaipabí masa in tanaa, aka mobaca in mosia kon buk mita i Musa, yo koḷubung tatua in tantúpabí moiḷamboi mako kon raian monia.

YEHEZKIEL 36:26

Dá moiko in ogoian-Kudon in gina bo raian inta mobagu. Ginamu inta ná kotogat in batu tua in baḷuian-Ku in gina inta motoindudui.

ULANGAN 2:30

Tongá diábí inogoi i datu in Sihon in kita nongin butánea. Pinotontogat i Tuhan Allahmu in ginanea sin makusud-Nea bá taḷowon naton in sia. Dá butánea tatua umuranpa doman iḻitúan naton dapot in tanaa mako.

TIMOTIUS 2 2:25

Sia in musti mokopoḷukó kon bahasa aka motundú kon intau mita inta moibog momaḷawang; bo tantú mopoigum mako bá ogoian i Allah in kasampatan in intau mita tatua sinbá mogogaidon in mogaid kon dosa bo monotaaudon kon totundú inta noitutui.

YEHEZKIEL 12:2

“Ei intau inta ilo-ilow, iko in nogutun kon yua-yuak in intau momomarontak. Mosia tua in komata, táe diá moindoi; kobongoḷan, táe diá mokidongog, popisí in moibog in mosia momarontak.

IḶUAIAN 16:35

Manna tatua nobaḻí kaanon intau Israel kon bonu in opat nopuḷú notaong noiduduimai, nodapot in mosia noyaput kon Kanaan, tampat tobatú inta pinogutunan monia notantú. (

ULANGAN 2:7

Toropbí naonda in ki Tuhan Allahmu nomarakatdon kon i monimu kon bayongan in yagi-yagi inta inaidan monimu. Iḷukadan-Nea in moiko kon tungkuḷ in moiko kon padang gurun inta mobendar naa. Inoḻiungan-Nea in moiko opat nopuḷú notaong naa bo nobogoi domandon in bayongan onu inta pakéon monimu.