ULANGAN 29:23 - Alkitab Singog In Mongondow Masa In Tanaa

²³ Gobámu mita in mobaḻídon butá inta moingkag bo kokoḷoban in balerang bo simuton. Butánea in diádon motaau bunakan bo bonok in diádon mobiag kon tua. Butámu in mobaḻídon ná kotá mita in Sodom bo Gomora, Adma bo Zeboin inta iyompat i Tuhan kon dodai in noyaat totok in gina-Nea.

ULANGAN 29:23 Referans Kwoze

ZEPANYA 2:9

Podoyon kon i-Nakó inta nobiag, ki Allah in bangusa in Israel, Akuoi in moyompatbí kon bayongan in Moab bo Amon naonda bo Sodom bo Gomora. Butá mita tatua in mopuḻingbí in ḻimbuong mita in simuton bo apug mita inta mononoi inta kinobiagandon in bo bonganga. Kiagat in umat-Ku inta nokoḷagui in mogagowbí kon intau inta nogutun kon tua, bo mogagow kon butá monia.”

YEREMIA 17:6

Sia in naonda bo pinomuḷa inta nobiag kon rawang, kon tudu in butá noḷogat, noingongow bo noibung, diá kon dodai in onda in sia in mokorasa kon kopiaan.

YESAYA 34:9

Ongkag mita in Edom in mobaḷui mobaḻí aspal, bo butánea in mobaḻí balerang. Imbuitnea sinangkub in butá modokot naonda bo aspal.

KINOBAḺIAN 14:2

moparang monayow kon datu ḻima ibanea: ki Bera nongkon Sodom, ki Birsya nongkon Gomora, ki Syinab nongkon Adma, ki Semeber nongkon Zeboim, bo datu nongkon Bela inta dinonoi doman ki Zoar.

LUKAS 17:29

Táe naonda in ki Lot iḷumuai nongkon Sodom, kon singgaipa doman tatua, tuḷu bo balerang noḷabú nongkon ḷangit bo nomutú kon i monia komintan.

AMOS 4:11

Tongosilai nongkon i monimu yopúon-Ku ná pinoyoyopú-Ku kon Sodom bo Gomora. Inta nobiagpa kon sigad monimu in naonda bo ḷomput in kayu inta ginamá nongkon tuḷú. Umpaka natua, moiko in diábí doman nobui mangoi kon i-Nakó.

YEHEZKIEL 47:11

Táe tubig kon rawa mita bo paya-paya kon kinoouput in pintad tatua in diábí moḻiau, táe umuranbí podapugan kon simuton.

YEREMIA 20:16

Biódon mako ki inta nodia kon habar tatua in naonda bo kotá mita inta irimumud i Tuhan takin diá in tabi. Biódon mako in sia mokodongog kon karak monakit kon dodai in doḷo-doḷom, bo kokow in parang kon dodai in noutu in singgai.

HAKIM MITA 9:45

Kinoouputbí in singgai ki Abimelek noparang bo nogagow kon kotá tatua; intau mita inta nogutun kon tua in iḻimod, bo kotánea in irimumudnea onda intua sinabudan in simuton.

WAHYU 19:20

Mahaḷuk tatua in kinodomokan takin intau mita inta morongaku nabi táe deemanbí totuu nabi inta ain norogaid kon soaḷ mita inta mokoherang kon tayowon mahaḷuk tatua. (Takin aid mita monia inta mokoherang tatua, mosia nonguboḷ kon i monia inta ain notarima kon tanda in mahaḷuk tatua bo inta ain nosumba kon patongnea.) Bo mahaḷuk tatua takin intau mita inta deeman totuu nabi tumpaḷa pinogambat kon bonu in tuḷu moḷoben inta kodoko-dokot takin balerang.

MAZMUR 107:34

Butá mopia binaḻí-Nea rawang simuton, popisí in aid moraat in intau mita inta nogutun kon tua.

AYUB 18:15

Tanaa in ki inekabí motaaubí in mogutun kon bonu in ḷoḷaigannea, bo kon tua sinabudan in balerang, ponabang kon takitnea.

SURAT I PAULUS KON JAMAAT RUM 9:29

Ki Yesaya in noguman doman nanaa, “Aka kuma bo ki Allah inta Totok in Mokawasa diá nonaḷámai kon i naton in buí, yo notantú bidon kon kita komintan in nobaḻí bidon naonda bo Sodom bo Gomora.”

YUDAS 1:7

Torop domandon in onu inta nobaḻí kon kotá in Sodom bo Gomora bo kon kotá mita inta kon diugneamai, inta intaunea mita kon tua in nogaid doman kon ná inta pinomia in malaekat mita tatua. Mosia in nogaid kon soaḷ mita inta mokooyá totok bo nogaid doman kon inta diádon patus aidan in intau. Hukuman kon i monia tua in tuḷu inta diá mopio-piong, sinbá tua in mobaḻí tompoingat kon bayongan in intau.

DATU MITA 2 22:13

“Bayádon poḻibó kon i Tuhan sin kopontinganku bo kopontingan in bayongan in rayat in Yohuda soaḷ tombonu in buk tanaa. Ki Tuhan in sinumorú kon i naton sin mogoguyang naton in diá nopobayá in parenta mita inta pinais kon bonunea.”

YESAYA 1:7

Ḻipúmu ain iyompat; kotámu mita in nodaitdon sinurub. Koonto-ontongmu in intau ango-angoi mogamá kon butámu bo morimumud kon bayongan yagi-yagi.

YESAYA 13:19

Nongkon bayongan in dodatuan, Babel tua in inta totok in mogaga bo mokoyunggagá kon intaunea mita. Táe Akuoi, ki Tuhan, in morimumudbí kon inia, ná inta inaidan-Ku kon Sodom bo Gomora.

YESAYA 64:11

Baḷoi i Allah inta motusi bo momulia tampat in mogoguyang nami modayowmai kon ini-Mu, aindon kinaan in tuḷú; bayongan tampat inta kinoibog nami aindon nobaḻí goguyaatnea.

YEREMIA 49:18

Naonda bo Sodom bo Gomora iyompat takin ḻipú mita kon diugneamai, natua doman in Edom. Diá bidon tobatúmai in intau in mogutunpa kon tua, Akuoi, ki Tuhan, ain nosingog.

IMAMAT 26:32

Poguraaton-Ku in butá monimu, modapot in musungmu mita inta mongawasa moitongaudon in mokoontong kon tua.

DATU MITA IMITÁNEA 9:8

Baḷoi pososumbaan tanaa in mogoguyaatdon dá pomuḷoi in intau inta moitaḻib kon tua in moitaḻikokogdon bo mokoningkim. Mosia in mogumandon, ‘Nongonu sin pomiaanbí i Tuhan natua in butá bo baḷoi tanaa?’

DATU MITA IMITÁNEA 9:9

Bo intau in motubag, ‘Popisí in mosia nonaḷámai kon i Tuhan, Allah monia, inta ain nogatod kon mogoguyang monia iḻumuai nongkon Mesir. Mosia in nosumbadon kon ilah mita ibanea. Manangka intua pinopouma i Tuhan in bodito kon i monia.’ ”

YEREMIA 9:11

Ki Tuhan in noguman, “Yerusalem in baḻíon-Ku apug tampat pogogadopan in ungkú in kayuon. Kotá mita in Yohuda in moingongowdon, tampat inta diádon pinogutunan.”