ULANGAN 29:13 - Alkitab Singog In Mongondow Masa In Tanaa

¹³ Pinongin dodandian tatua ki Tuhan singgai naa nopobaḻídon kon i monimu bangusa-Nea, bo Sia in nobaḻí Allahmu ná inta pinodandi-Nea kon inimu bo kon mogoguyangmu ki Abraham, ki Ishak bo ki Yakub.

ULANGAN 29:13 Referans Kwoze

IḶUAIAN 6:7

Moiko in diaan-Ku mayá in butá inta pinodandi-Ku takin nongibot kon i Abraham, kon i Ishak bo kon i Yakub; butá tatua in ogoi-Ku kon inimu mobaḻí kapunyaanmu tontaní. Akuoi naa in ki Tuhan.”

KINOBAḺIAN 17:7

Akuoi in mogintompodbí kon dandi-Ku kon inimu bo kon buímu dapot in kon singgai moiduduimai, bo dodandian tatua in mononoibí. Akuoi in mobaḻí ki Allahmu bo ki Allah in buí-Mu.

ULANGAN 28:9

Aka moiko umuran dumudui kon i Tuhan Allahmu bo mogaid kon bayongan in parenta-Nea, moiko in baḻíon-Neadon umat-Nea tontaní, ná inta pinodandi-Nea.

IBRANI 11:16

Táe noniata magí inta kinotanoban monia tua in tobatúbí butá inta totok mopia, tuata in butá inta kon soroga. Manangka intua diábí mooyá in ki Allah tangoion ki Allah monia, sin pinosadiaan bidon i Allah in mosia kon tobatú kotá.

YEREMIA 32:38

Mosia in mobaḻí umat-Ku bo Akuoi in mobaḻí Allah monia.

ULANGAN 7:6

Aidaidon in tua komintan sin moiko nion in kapunyaan i Tuhan Allahmu. Nongkon bayongan bangusa kon dunia naa, moikobí nion inta piniḻí i Tuhan Allahmu mobaḻí umat inta sinondí kinotabi-Nea.

KINOBAḺIAN 17:8

Akuoi in mobogoibí kon inimu bo kon buímu in butá tanaa, inta pinogutunanmu tanaa mako saḷaku intau ango-angoi. Bayongan butá in Kanaan in mobaḻíbí kapunyaan mononoi i adí bo i ompumu bo Akuoi in mobaḻí ki Allah monia.”

ULANGAN 29:12

Ki Tuhan Allahmu nomia kon dodandian takin monimu, bo moiko komintan noyosipun kon naa sin mopoyotogot in dodandian tatua takin motarima kon kowajibannea mita.