ULANGAN 28:54 - Alkitab Singog In Mongondow Masa In Tanaa

^54-55 Modapot in intau moḷoben inta totok in motuḻid in ginanea moinggamá in ropot in ginanea kon bonu in pongopungan tatua, dá sia mokaandon kon i adínea mita tontaní sin diádon in kaanon ibanea. Diádon topiḻikmai in ogoinea kon i utatnea ande kon i buḷoinea inta kinotabinea ande adínea mita inta nobiagpa.

ULANGAN 28:54 Referans Kwoze

MATIUS 20:15

Degá diá motaau in akuoi in mopomaké in kapunyaanku podudui kon onu in koibogku? Andeka moyaat degá in ginamu, aka akuoi mogaid kon inta mopia kon intau ibanea?’ ”

ULANGAN 15:9

Dika in iko doí mopoḷuan kon inia poḷat moguman kon taong pomopatan kon boḻi motoyongdon. Dika pomayá mako in raian moraat natua mongawasa kon ginamu. Aka moiko doí mopoḷuan, intau tatua in mokuanibí kon i Tuhan sin mopongadu kon i monimu, dá moiko in poniatadon kon kotaḷá.

ULANGAN 13:6

Aka utatmu ande adímu ḷoḷaki ande bobay, ande ki buḷoimu inta kinotabimu ande yobayatmu modagin takin umado-adop modondouḷug kon inimu sin mosumba kon ilah mita ibanea inta diá kinotaauan monimu bo diá doman kinotaauan in mogoguyangmu, ilah mita inta nongkon bangusa mita inta nogutun noyodiugan ande noyogiyayúan,

MIKHA 7:5

Dikadon mopirisaya kon topodiugmumai, dikadon umandoḷ kon yobayat. Mokopoingatdon in mosingog umpakabí ki buḷoimu tontaní in mokodongog.

YESAYA 49:15

Ki Tuhan in notubag, kai-Nia, “Degá iná tobatú mokoḻiong kon i adínea, bo diá motabi kon i adínea inoyod? Umpaka in sia mokoḻiong, Akuoi in diábí mokoḻiong kon inimu!

AMSAL 28:22

Intau inta motamaa moibog ḷagi mooyúon; diábí kinotaauannea kon roriga in ḷagidon moiantug kon inia.

AMSAL 23:6

Dika mongaan moyotakin in intau inta morinut. Dika doman moibog in kaanonnea inta mopira.

MAZMUR 103:13

Naonda bo tabi i amá kon i adínea mita, natuata in tabi i Tuhan kon intau inta motoguondok.

SAMUEL 2 12:3

bo ki inta nobiag nobogá in tongá oyúon in ki adí in domba tobatú, inta sinaḷuinea. Ki adí in domba tatua biniagnea nodapot in noḷoben kon bonu in baḷoinea noyotakin i adínea mita. Ki adí in domba tatua pinokaannea in kaanon in intau tatua, nodapot in nonginum kon palonea, bo mosiug kokoyo-koyotnea; impoḷok mako in tosingogon, pinomianea naonda bo ki adínea bobay tontaní.

MATIUS 11:8

Andeka moiko mayá mongonu? Degá moindoi kon intau inta nogiḷambung mogaga? Intau inta nogiḷambung mogaga tampatnea kon dodatuanbí.

ULANGAN 28:53

Kon dodai in musungmu mita mongopung kon kotámu mita, moiko in kodaitandon in ropot in gina sin gogoiondon, dá moiko in mokaandon kon adímu mita tontaní, adí mita inta inogoi i Tuhan Allahmu kon inimu.