ULANGAN 28:46 - Alkitab Singog In Mongondow Masa In Tanaa

⁴⁶ Bodito mita tatua nobaḻí tomponuot in hukuman i Tuhan kon i monimu bo buímu modapot kon adí bo ompu.

ULANGAN 28:46 Referans Kwoze

YESAYA 8:18

Naa in akuoi bo adí mita inta inogoi i Tuhan kon inakó. Ki Tuhan Inta Totok in mokawasa inta nomarenta kon Buḷud in Sion, nopotabá kon inami mobaḻí tomponuot kon umat in Israel.

YEHEZKIEL 14:8

Akuoi in moḷawangbí kon inia bo baḻíon-Ku in sia sonto kon ibanea. Poyayúon-Kubí in sia nongkon intau mita umat-Ku, dá kotaauandon in umat-Ku kon Akuoibí in ki Tuhan.

ULANGAN 28:37

Kon butá mita tampat pinoporaritan i Tuhan kon i monimu, intau mita in mokoningkimdon in mokoontong kon i monimu; moiko in pomiaandon monia ibo-ibog bo poḷat kosingan.

KORINTUS 1 10:11

Tua komintan ain noiantug kon i monia saḷaku contoh kon intau mita ibanea. Bo komintan tua in pinaisbí doman sin mobaḻí tompoingat kon i naton kon singgai tumi inta ain nodiug.

YEHEZKIEL 36:20

Kon ondakabí in bayáan monia, mosia in umuranbí mopokotormai kon tangoi-Ku inta motusi. Sin intau mita in noguman nanaa, ‘Bangusa tanaa in umat i Allah, táe mosia in mustibí monaḷámai kon butá inta inogoi i Allah kon i monia.’

YEREMIA 25:18

Yerusalem bo bayongan in kotá in Yohuda, takin datu mita bo pojabatnea mita, pinoki inumanku in anggur tatua, nodapot in mosia nobaḻí naonda bo rawang inta noḷogat bo mokokoningkim. Dapot kon singgai in naa tangoi monia in pinaké nobaḻí kutukan.

YEREMIA 19:8

Akuoi in mopoantugbí in bodito inta motoyang kon kotá tanaa dá modapot in bayongan in intau inta moitaḻib kon tua in moitaḻikokogbí bo mokoningkim.

ULANGAN 29:28

Torú i Tuhan noiḷuai námai tua in kotoyangnea, bo kon bonu in torú-Nea inta totok in moḷoben tatua Sia nogugut kon bangusa Israel nongkon butá monia bo nopogarab kon i monia minayá in butá in intau dá mosia in nogutundon kon tua.’

ULANGAN 29:20

Ki Tuhan in diábí mongampung kon intau ná tatua. Táe, Sia in kotugatanbí in torú i Tuhan inta moḷoben, bo bayongan bodito inta pinais kon bonu in buk tanaa in moiumabí kon inia modapot in sia yopúon i Tuhan.

ULANGAN 28:59

Ki Tuhan in mopoangoi kon i monimu bo kon buímu in takit mita inta diá koundaman bo bodito mita inta diá motaau potogonon.

PINOGIAPAN 26:10

Bo butá noguang poḷat noḻiom kon i monia nodapot in mosia minatoi noyotakin i Korah takin dumoduduinea mita kon dodai in tuḷú nomokak kon doyowa nogatut bo ḻima nopuḷú in ḷoḷaki. Tua in nobaḻí tompoingat kon bangusa Israel.

YEHEZKIEL 5:15

Aka Akuoi tumorú bo moyaat totok in gina kon inimu poḷat mohukum kon inimu, yo bayongan in bangusa kon ḻibumumai in mokoningkimbí. Singkuḻeonbí monia in iko bo morongó in mokoontong kon inimu.