ULANGAN 28:39 - Alkitab Singog In Mongondow Masa In Tanaa

³⁹ Moiko in momuḷabí kon gobá mita in anggur bo ḷukadan monimu táe diábí mosipú kon bungai in anggur ande monginum kon tubignea, sin pangkoi mita in anggur tatua nodait kinaan in uḷod.

ULANGAN 28:39 Referans Kwoze

YUNUS 4:7

Táe nopoikoḷomai kon singgai kon dodai in modiugpa mobayag, ki Allah nopotabá kon uḷod tobatú nongarat kon uakat in pinomuḷa tatua, dá noḷaḷow.

YESAYA 5:10

Bungai in pinomuḷa diá mopia, gobá in anggur inta koḷobennea mopuḷú nohitare tongá kouḻían kon mopuḷú noliter in tubig in anggur. Mogatut noliter in bibitnea tongá kinouḻían kon mopuḷú noliter in gandum.”

AYUB 15:33

Sia naonda bo pangkoi in anggur inta noḷabú in bungainea, naonda bo pangkoi in zaitun inta nototak in toburnea.

HABAKUK 3:17

Umpaka pangkoi in ara diá in bungainea bo pangkoi in anggur diá in anggurnea, umpaka bungai in zaitun diá in notuoi bo bungai in gandum kon gobá mokokudai kon gina, umpakabí domba mita minatoidon komintan bo kobang in bobiagon diá in bonunea,