ULANGAN 28:36 - Alkitab Singog In Mongondow Masa In Tanaa

³⁶ Moiko takin datu monimu in diaan i Tuhan mayá in butá in intau ango-angoi inta diá kinotaauan monimu bo inta diá doman kinotaauan in mogoguyangmu. Kon tua in moiko mogundoidon kon ilah mita inta pinomia nongkon kayu bo batu.

ULANGAN 28:36 Referans Kwoze

YEREMIA 16:13

Tuamai, moiko in poguntunon-Ku nongkon butá tanaa bo ḷumbúon-Ku kon butá inta totokbí in diá kinotaauanmu bo in mogoguyangmu. Kon tua moiko in moibada singgai doḷom kon ilah mita ibanea, bo Akuoi in diá bidon motabi kon inimu.’ ”

DATU MITA 2 25:11

Onda intua bayongan in rayat inta kon kotá, intau mita inta mongopandoi mogaid inta kon tuapa, intau mita inta nobiag nobogá bo intau mita inta ain noḷagui namangoi kon intau in Babel, tua komintan in diniadon i Nebuzaradan.

ULANGAN 4:28

Kon tua moiko in mogundoi kon ilah mita inta pinomia in intau, ilah mita inta nongkon kayu bo batu inta diá mokoontong bo diá mokodongog, diá motaau mongaan ande diá mokobó.

TAWARIKH 2 36:20

Rayat inta nobiagpa in dinianea kon Babel. Kon tua in mosia nobaḻí ki atanea bo ki ata in buínea nodapot in kon tungkuḷ in dodatuan Persia nongawasa.

TAWARIKH 2 36:6

Naonda in ki Nebukadnezar datu in Babel nogagow kon Yohuda, dinomoknea in ki Yoyakim, bo dinia kotogo-togot pinobayá in Babel.

TAWARIKH 2 36:17

Ki Tuhan in nopogonú kon gina in datu in Babel sinbá monubu kon i monia. Ki datu tatua in noḻimod kon intau in Yohuda inta nongobagupa, noitakin doman in mosia inta kon bonu in Baḷoi Tuhan. Diábí in Sia nonotabi kon tobatúmai in intau, noguod andeka noguyang, ḷoḷaki andeka bobay, notakit andeka nosehat. Mosia komintan inogoi i Allah kon i datu in Babel.

TAWARIKH 2 33:11

Tuamai ki Tuhan in nopoangoi in tongguḷu totokanea in tontara in Asyur sin monubu kon Yohuda. Ki Manasye in dinomok in kokarit, bo inumantungan bo dinia pinobayá in Babel.

ULANGAN 28:64

Ki Tuhan in moporangkapbí kon i monimu kon sigad in bangusa mita kon bayongan dunia naa. Kon tua moiko in mosumba kon ilah mita inta pinomia nongkon kayu bo batu, ilah mita inta diá kinotaauan monimu bo diá doman kinotaauan in mogoguyangmu.

YEHEZKIEL 20:39

Ki Tuhan Inta Totok in moḷantud in noguman, “Ei intau mita in Israel, tanaa in taaudon kon inimu. Kumudungdon in mogaid kon dosa pongin mosumba kon berhalamu mita! Táe toropdon kon naonda in mopaḷut mako kon tua moiko in mustibí tumoḷutui kon i-Nakó bo diádon moporaa-raatmai kon tangoi-Ku inta motusi pongin modia kon sosumba kon berhalamu mita tatua.

OMBAḶ 4:20

Mosia in nodomok kon datu inta piniḻí i Tuhan, intau inta pinongata nami saḷaku mobobogoi in kobiagan, bo moḷukad kon inami nongkon ḷawang.

YESAYA 39:7

Nongkon i adí bo ompumu oyúon in gamáan bo baḻíon pogawai in komaḻig sin mobantung kon i datu in Babel.’ ”

ULANGAN 29:17

Moiko ain nokoontong kon patong mita berhala monia inta mokorongó nongkon kayu, batu, saḷaka bo buḷawan.

TAWARIKH 2 36:1

Rayat in Yohuda nomiḻí bo noduí kon i Yoahas nobaḻí datu kon Yerusalem nonoḻiu kon i Yosia, ki amánea.

YEREMIA 15:14

Kon butá in intau inta diá kinotaauan monia, Akuoi in mopobaḻíbí kon i monia ata in musung mita monia, sin torú-Ku in noiḻimpódon naonda bo tuḷú inta tumagab bo doídon mopiong.”

YEREMIA 39:1

Kon buḷan impuḷúnea kon taong noginsiow kon pinomarentaan i Zedekia datu in Yohuda, ki Nebukadnezar datu in Babel takin bayongan in tontaranea namangoi bo nonubu kon Yerusalem.

YEHEZKIEL 11:9

Moiko in diaan-Kubí poḷuai kon kotá bo ogoi-Ku kon intau ango-angoi. Akuoi in nopoḷabúdon in hukuman matoi kon i monimu.

ULANGAN 4:27

Poyayitonbí i Tuhan in moiko kon sigad in bangusa mita ibanea bo tongádon topiḻik in mobiag in kon sigad monimu.

SAMUEL 1 12:25

Táe aka moiko umuran doman momia kon dosa, dá moiko bo datumu in moyopúbí.”

DATU MITA 2 25:21

kon butá in Hamat. Mosia iroriga kon tua bodongka iḻimod. Natuata in intau mita in Yohuda dinia pinobayá in pinoḷumbúan.

YEREMIA 9:15

Tuamai, indongogaidon onu in aidan-Ku, Tuhan Inta Totok in mokawasa, Allah in Israel: umat-Ku in ogoian-Ku pinomuḷa mopait sin kaanon bo rasum sin inumon.

OMBAḶ 2:9

Bonawangnea mita in kinobumbunandon in butá, bayongan in bonoboinea mita noputoḷ; datu bo pojabat in pomarenta dinia kon pinoḷumbúan. Hukum i Tuhan in diádon bui sinundú; nabi in diádon notarima kon tongkoyow nongkon i Tuhan.