ULANGAN 28:32 - Alkitab Singog In Mongondow Masa In Tanaa

³² Kon tayowon matamu adímu mita in ogoi mobaḻí ata kon intau ango-angoi. Pomuḷoi in singgai matamu mopomporí in motayak kon i adímu mita, táe diábí in mangaḻenea, sin mosia in diábí mobui mangoi.

ULANGAN 28:32 Referans Kwoze

YOËL 3:6

Intau in Yohuda bo Yerusalem in dinia monimu pinoyayú kon butá monia; onda intua pinotaḷui monimu kon bangusa in Yunani.

ULANGAN 28:41

Moiko in mokouḻíbí kon adí mita ḷoḷaki bo bobay, táe mosia in gamáandon mobaḻí tawanan in parang, dá moiko in kobuḻiandon monia.

TAWARIKH 2 29:9

Ki amá mita naton minatoi kon pinoparangan, bo adí buḷoi naton in dinia nobaḻí intau mita inta dinakop.

MIKHA 4:10

Ei intau mita in Yerusalem, pomaḻikotadon bo karakdon naonda bo bobay inta mononggadí! Sin, tanaa moiko in mustibí monaḷámai kon kotá bo mogutun kon rawang. Moiko in mustibí mayá in Babel, táe kon tua poḷuatonbí i Tuhan in moiko nongkon musungmu mita.

AMOS 5:27

Kon tungkuḷ in ḷumbúon-Ku in moiko kon butá tobatú inta noyayú nongkon Damsyik. Akuoi ki Tuhan inta tangoi-Ku ki Allah Inta Totok in mokawasa ain nosingog.”

YEHEZKIEL 24:25

Ki Tuhan in noguman kon inakó, “Yo, intau ilo-ilow, gamáan-Kudon nongkon i monia in Baḷoi-Ku inta morigon tua, inta mokoyunggagá bo mokosanang kon gina monia, bo inta indoianmai monia bo bayáan monia kinooibogbí in gina. Bo gamáan-Kubí doman in ki adí mita monia.

OMBAḶ 5:17

Buḷud in Sion noingongowdon bo sinaḷáan; kon tua ungkú in kayuon nodondaḷoi magí-mako. Manangka intua gina nami nádon poropatoian, mongombaḷ in kami modapot in diádon motarang in mata nami.

OMBAḶ 4:17

Moḷopídon in mata nami in moindoi, mogoḷat mako kon totuḷung inta diá doman moiango-angoi. Kami in moharap mako kon totuḷung in bangusa tobatú, inta sabanarnea in diábí mokoogoi kon onu bo onu.

OMBAḶ 2:11

Mataku in nobobagá popisí in nongombaḷ diá nodona-doná, dimukudku in moondok diá in batainea. Ginaku in norumbun nokoontong kon kinorumbunan in bangusa; nokoontong kon mongoadí mita bo adí mointok sinogopuḷong kon daḷan mita in kotá.

YESAYA 38:14

Singogku in motoyokdon bo moyangkó, naonda bo ḷagapan tarangkuku mogamui. Mataku in moḷopí popisí in ḷumangag kon ḷangit, Tuhan, poḷuatdon in akuoi nongkon roriga tanaa.

MAZMUR 119:123

Mataku in mopomporí in mogoḷat mako kon totuḷung-Mu inta mokosaḷamat, inoḷatku mako in popoḷuatan inta pinodandi-Mu.

MAZMUR 119:82

Mataku moḷopí in mogoḷat mako kon ini-Mu mogintompod kon dandi-Mu, akuoi in noguman, “Toonubí degá in Iko in moḻipoi kon inakó?”

MAZMUR 69:3

Akuoi in noibonu kon dampaḷ inta modaḷom, diá in pomuntukan. Akuoi in noḷomot kon tubig inta moḻinow, iniḻig in bokoḷ kon dodai in tubig noponik.

AYUB 17:5

Podudui in singog tango-tangoion, ki ine in mopongadu kon yobayat popisí in motayak kon kauntungan, ki adínea mita tontaní in motarima kon tontuḻí.

AYUB 11:20

Táe intau moraat in moindoibí takin motoboḻingo, sin kon i monia in diábí in totuḷung. Totobatú in kamang monia tuata in popatoi ḷagidon moiangoi.”

ULANGAN 28:65

Kon sigad in bangusa mita tatua moiko in diábí mokouḻí kon kobiagan mopia, bo diábí in tampat inta motaau tangoion monimu kapunyaanmu; Baḻíon i Tuhan in moiko totok in moondok bo koinggamáan in rigon in gina takin diá in andoḷan.

ULANGAN 28:18

Kinutuk in moiko, dá tongádon topiḻik in adímu, bungai in boyómu, takin sapi bo bembé dombamu.

PINOGIAPAN 21:29

Ei bangusa in Moab, mobodito in iko! Mososumba kon Kamos, moyopú in iko! Iko pinomayá mako i dewamu nobaḻí ḷagu-ḷagui, intaumu mita bobay nobaḻí intau inta dinakop i datu in Amori.

ULANGAN 28:31

Sapimu in ratáanbi kon tayowonmu, táe moiko in diábí moikaan kon tapúnea. Keledaimu mita in tokougutondon mayá bo tongádon indoian mako monimu bo diá bidon pobuion. Dombamu mita in ogoi kon musungmu mita bo diábí in motuḷung.

OMBAḶ 1:18

Táe ki Tuhanbí in totuu, popisí in parenta-Nea ain iḻimpatanku. Indongogaipa in akuoi, ei bangusa mita, indoiaika in akuoi kon bonu in roriga. Intau mita tayowmobiag bo mongodeagaku in dinakop, bo inakut pinobayá in pinoḷumbúan.

MIKHA 2:1

Moboditodon in intau mita inta monomayá kon inta moraat kon dodai in mosiug mako kon tosiugan kon tungkuḷ in doḷom, bo mogaid kon tua kon dodai in doḷo-doḷom popisí in oyúon in ropot monia mogaid kon tua.

AYUB 31:8

dá biódon mako in intau ibanea mokaan kon onu inta pinomuḷaku, bo bayongan inta pinomuḷaku in mogoguyaat.